Almaty oblystyq soty Bolat Nazarbaevtyŋ ūly Nūrbol Nazarbaevtyŋ özın bankrot dep tanu jäne tölem qabılettılıgın qalpyna keltıru turaly talabyn qanaǧattandyrmai, bırınşı satydaǧy sottyŋ şeşımın özgerıssız qaldyrdy, dep habarlaidy "Adyrna".
Nūrbol Nazarbaev apelliasiialyq şaǧymynda özıne qatysty şyǧarylǧan şeşımnıŋ küşın joiudy sūrap, memleket pen jeke kompaniia aldyndaǧy ırı kölemdegı bereşegın öteuge mümkındıgı joǧyn alǧa tartqan. Onyŋ mälımetınşe, Aktivterdı qaitaru jönındegı komitet aldyndaǧy qaryzy 55,8 milliard teŋgeden asady. Būdan bölek, ösımpūl, memlekettık baj salyǧy jäne "Aqtöbe" öndırıstık kompaniiasy" JŞS aldyndaǧy bereşegı bar.
Şaǧymynda ol özıne tiesılı qūndy aktivterdıŋ bolǧanyn, alaida olardyŋ öz atyna räsımdelmegenın mälımdegen. Nazarbaev būl mülıkterge benefisiarlyq ielık etu jäne serıktestık qatynastar arqyly baqylau jasaitynyn aityp, serıktesterı onyŋ qaryzdaryn öteuge kömektesuge daiyn ekenın jetkızgen. Osy negızde ol sottan tölem qabılettılıgın qalpyna keltıru räsımın qoldanudy sūrady.
Alaida prokuratura būl ärekettı zaŋdy oryndaudy sozbalaŋǧa salu amaly dep baǧalady. Qadaǧalau organynyŋ pıkırınşe, boryşker būǧan deiın de däl osyndai talappen sotqa jügıngen jäne naqty jaǧdai özgermegenıne qaramastan qaita ötınış beruı memleket paidasyna şyǧarylǧan sot şeşımderınıŋ oryndaluyn keiınge qaldyruǧa baǧyttalǧan.
Apelliasiialyq sot ta bırınşı satydaǧy sottyŋ tūjyrymymen kelıstı. Sot alqasynyŋ pıkırınşe, Nazarbaev özınıŋ naqty qarjylyq jaǧdaiy turaly tolyq aqparat ūsynbaǧan. Is materialdarynda onyŋ kommersiialyq nysandardy jalǧa beruden tüsetın tabysy, dividendterı, depozittık kırısterı, sondai-aq otbasy jaǧdaiy men kündelıktı şyǧyndary jönınde mälımetter joq.
Sottyŋ atap ötuınşe, mūndai derektersız boryşkerdıŋ tölem qabıletın baǧalau jäne qaryzdardy öteudıŋ ädıl josparyn jasau mümkın emes.
Sonymen qatar sot Nazarbaevtyŋ qarjylyq jaǧdaiyn aşyq körsetpegenın, jūmys ısteuge kedergı keltıretın zaŋdy sebepterdı däleldemegenın jäne kreditorlar aldyndaǧy mındettemelerın öz erkımen oryndauǧa baǧyttalǧan naqty äreketter jasamaǧanyn atap öttı.
Nätijesınde Almaty oblysy Qarasai audandyq sotynyŋ būǧan deiıngı şeşımı özgerıssız qaldyrylyp, Nūrbol Nazarbaevtyŋ apelliasiialyq şaǧymy qanaǧattandyrylmady.
Qazaqstan zaŋnamasyna säikes, tölem qabılettılıgın qalpyna keltıru räsımı – boryşkerdı bırden bankrot dep tanymai, qaryzdaryn belgılı bır merzım ışınde öteuge mümkındık beretın qūqyqtyq tetık. Būl räsım qoldanylǧan jaǧdaida azamat bankrot märtebesın almaidy jäne oǧan bankrottyqqa tän bırqatar şekteuler qoldanylmaidy. Sonymen qatar aiyppūldar men ösımpūldardyŋ esepteluı toqtatylyp, qaryzdy bes jylǧa deiın bölıp töleu jospary bekıtıluı mümkın.
Qazırgı taŋda Nūrbol Nazarbaevqa qatysty kemınde ekı atqaruşylyq ıs jürgızılıp jatyr. Onyŋ memleket aldyndaǧy jalpy bereşegı şamamen 63,7 milliard teŋgenı qūraidy.
Būl somanyŋ negızgı bölıgı – aktivterdı memleketke qaitaru jönındegı talaptar. Onyŋ aiasynda 55 milliard teŋge Arnaiy memlekettık qorǧa audaryluy tiıs. Būdan bölek, oǧan 1,6 milliard teŋgeden astam memlekettık baj salyǧy eseptelgen.
Nūrbol Nazarbaev – marqūm Bolat Nazarbaevtyŋ ūly, Qazaqstannyŋ tūŋǧyş prezidentı Nūrsūltan Nazarbaevtyŋ nemere ınısı.
2017 jylǧa deiın qūqyq qorǧau organdarynda qyzmet atqaryp, Almaty oblystyq ışkı ıster departamentı bastyǧynyŋ orynbasary qyzmetıne deiın köterılgen. Keiın biznes salasyna auysyp, Prime Capital Invest, Prime Capital Holding sekıldı kompaniialarmen bailanysty käsıpker retınde tanyldy.
Ol soŋǧy jyldary Qazaqstannyŋ eŋ auqatty käsıpkerlerı reitingınde tūraqty türde atalyp keldı. Būǧan deiın onyŋ jeke kapitaly şamamen 179 million dollar dep baǧalanǧan.
