Mäjılıs deputaty Baqytjan Bazarbek Densaulyq saqtau ministrlıgı ūsynǧan zeinetaqy jinaqtaryn stomatologiialyq qyzmetterge töleu mümkındıgın alyp tastau bastamasyna qatysty pıkır bıldırdı, dep habarlaidy «Adyrna» tılşısı.
Ol mūndai tyiymnyŋ azamattardyŋ qūqyqtaryn şekteitının jetkızdı.
«Tıs emdeu syltauymen aqşany şyǧaryp alǧan alaiaqtyq, ailakerlık faktılerı bar. Mende "Otbasy bankınen" alynǧan materialdar bar. Öte köp milliard şyǧarylǧan. Endı būl täjıribenı tolyq toqtatqysy keledı. Būl dūrys emes. Qylmystyq ıster qozǧaŋyzdar, jauapkerşılıkke tartyŋyzdar. Qatysy bar klinikalar men stomatologiialardy tekserıp, lisenziialaryn qaitaryp, mekemelerdı jabu kerek»,–dedı deputat Mäjılıs kuluarynda.
Baqytjan Bazarbek azamattardyŋ zeinetaqy jinaqtarynyŋ artyǧyn tıs emdeuge paidalanu qūqyǧynan aiyrylmauy qajet ekenın erekşe atap öttı. Sondai-aq ol Bas prokuratura men Işkı ıster ministrlıgı jan-jaqty tergeu jürgızuı tiıs ekenın aityp, būl proseske özı de jeke qatysuǧa äzır ekenın bıldırdı.
Eske salaiyq, būǧan deiın «Otbasy bank» Bıryŋǧai jinaqtauşy zeinetaqy qoryndaǧy qarajatty stomatologiialyq qyzmetterge paidalanu üşın ötınım qabyldau uaqytşa toqtatylatynyn aitqan edı.
