Qazaqstandyqtar zeınetaqysyn kóbeıte alady. Bul týraly eńbek jáne halyqty áleýmettik qorǵaý mınıstrligi bazalyq zeınetaqynyń kólemi qalaı esepteletinin jáne ony arttyrý joldaryn túsindirdi, dep habarlaıdy “Adyrna” ulttyq portaly.
Zeınetaqy júıesindegi jyldarǵa 1998 jyldyń 1 qańtaryna deıingi eńbek ótili men mindetti zeınetaqy jarnasy tólengen kezeńder qosylady.
Máselen, eger zeınetaqy júıesindegi ótil 10 jyl nemese odan az bolsa nemese júıede múldem ótili bolmasa, bazalyq zeınetaqynyń kólemi eń tómengi kúnkóris deńgeıiniń 54 paıyzyn quraıdy. Odan ári árbir 10 jylǵy ótili úshin bazalyq zeınetaqynyń kólemi 2 paıyz kóbeıip otyrady.
Eńbekaqy júıesine qatysqan jyldary 20 jyl bolsa, ondaı adamnyń bazalyq zeınetaqysy eń tómengi kúnkóris deńgeıiniń 74 paıyzyna, 30 jyl bolsa eń tómengi kúnkóris deńgeıiniń 94 paıyzyna teń bolady. Al eger zeınetaqy júıesindegi jyldary 33 jyl nemese odan kóp bolsa, onda bazalyq zeınetaqynyń kólemi eń tómengi kúnkóris deńgeıiniń 100 paıyzyna teń bolady.
Eger bir aı ishinde Biryńǵaı jınaqtaýshy zeınetaqy qoryna birneshe ret mindetti zeınetaqy jarnasyn salsa, bul, árıne, júıede bir aı bolyp esepteledi.
«Osylaısha, mindetti áleýmettik jarnany barynsha jıi jáne tolyq kólemde salyp tursa, zeınetkerlik jasyna jetkende bazalyq zeınetaqy kólemi de kóp bolady», – delingen habarlamada.
Vedomstvonyń habarlaýynsha, 2022 jyldyń 1 qarashasyndaǵy jaǵdaıǵa sáıkes, ortasha zeınetaqy kólemi bazalyq zeınetaqyny qosqanda 108 993 teńge bolǵan.
