Qyrǵyzstan zeınetaqy aqshasymen ıpotekany jabýǵa ruqsat etti. Mundaı sheshimdi mınıstrler kabıneti qabyldady, dep habarlaıdy “Adyrna” ulttyq portaly.
Mundaı múmkindikti paıdalaný úshin qorda keminde 50 myń som (626 dollar) bolýy tıis.
Qyrǵyzstan zeınetaqy júıesi bazalyq jáne jınaqtaý bólikten quralǵan. Aı saıyn jumys isteıtin árbir qyrǵyz azamaty jalaqysynyń 10 paıyzyn zeınetaqy jarna retinde quıady. 8 paıyzy qazirgi zeınetkerlerdi qarjylandyratyn memlekettik qorǵa túsedi, 2 paıyzy memlekettik jınaqtaý zeınetaqy qoryna barady, ol qarajat azamattyń ózinde qalady. Mınıstrler kabıneti qyrǵyz azamattaryna osy memlekettik jınaqtaý zeınetaqy qoryna túsken qarajatty paıdalanýǵa ruqsat berip otyr.
Qyrǵyzstanda zeınetaqy júıesi 2010 jyly engizilgen.
Osyǵan deıin Qazaqstan bıligi de azamattarǵa zeınetaqy aqshasyn baspana jáne densaýlyq máselesin sheshýge paıdalanýǵa ruqsat bergen bolatyn. Alaıda osy sáýirden bastap onyń talaptary kúsheıtilgen.
“Adyrna” ulttyq portaly
