Keler jyly qazaqstandyqtar zeinetaqy jinaǧynyŋ bır bölıgın ala alady. Eŋbek jäne halyqty äleumettık qorǧau ministrı Bırjan Nūrymbetov naqty kımderdıŋ qordaǧy aqşany paidalana alatynyn egjei-tegjeilı baiandap berdı.
Zeinetaqy jinaǧynyŋ bır bölıgın alu üşın şotyŋyzda tömendegıdei aqşa boluy kerek:
20 jas – 1 mln 720 myŋ teŋge;
30 jas – 2 mln 538 myŋ teŋge;
35 jas – 2 mln 961 myŋ teŋge;
40 jas – 3 mln 437 myŋ teŋge;
45 jas – 3 mln 947 myŋ teŋge;
50 jas – 4 mln 495 myŋ teŋge;
55 jas – 5 mln 84 myŋ teŋge;
59 jas jäne odan ärı qarai – 5 mln 586 myŋ teŋge.
Būl sifrlar qarapaiym halyqty şoşytqan sekıldı. Bügınde azamattar äleumettık jelılerde öz narazylyǧyn bıldırıp jatyr.
«Aspanda qalqi bermei, jerdegı eseppen eseptese qaiter edı?!»
- «Menıŋ jasym jiyrma segızde. 7 jyl medisinany oqyp, 25 jasymda bıtırdım. Jūmys ötılım 4-ınşı jylǧa barady. Aitpaǧym, zeinetaqy qorymdaǧy aqşa mölşerı mūnda menıŋ jasyma körsetılgen körsetkışten 5 ese az. Sonda būlar qalai eseptegen? Aspanda qalqi bermei, jerdegı eseppen eseptese qaiter edı?! Qarap otyryp qarnyŋ aşady. Taǧy da bai, baǧlannyŋ balalarynyŋ jaǧdaiyn qarastyrǧan. Qarapaiym halyq taǧy da öz maŋdai termen jiǧan aqşasynyŋ rahatyn köre almaidy. 500 myŋ ailyq alsa, qazaq üi kezegınde tūryp nesı bar?!»,-dep jazba qaldyrdy därıger Quat Däurenūly Facebook paraqşasynda.
Eseptep körelık..
Eŋbek ministrlıgınıŋ aqparatyna süiensek, 30 jastaǧy azamattyŋ JZQ şotynda 2 mln 518 myŋ teŋge boluy tiıs. Būl aqşany jinau üşın sız 20 jasyŋyzdan üzbei jūmys jasap, aiyna kem degende 210 myŋ teŋge tabuyŋyz qajet. Osy oraida öte qyzyq sūraq tuyndaidy: diplomy joq studentke ai saiyn būndai aqşany kım töleidı? Student deimız ǧoi, bügınde eŋbek ötılı bırneşe jyldan asqan mamandardyŋ da jalaqysy būl somaǧa jete qoiǧan joq. Ministrlık eldegı ahualdy ūmytyp ketken-au, şamasy.
«Halyq aiyna 500 myŋ teŋge tappaidy»
Qairat Serıkūlynyŋ auyl şaruaşylyǧy salasynda jūmys jasap jürgenıne 25 jyldyŋ jüzı bolǧan. Dese de, ol zeinetaqy jinaǧynyŋ bır bölıgın ala almaitynyn jetkızdı.
- Jastaiymnan jūmys jasap kele jatyrmyn, bıraq qordaǧy aqşam 3 mln teŋgege de jetpedı. Qarapaiym halyq aiyna 500 myŋ teŋge tappaidy ǧoi. Būl somany aiyna 100-150 myŋ teŋge tauyp, jinau mümkın emes.
Aigül Bolatqyzy:
-Men mädeniet salasynyŋ qyzmetkerımın. 40 jyldyq eŋbek ötılım bar. Bır qyzyǧy, jinalǧan somam az. Zeinetaqy jinaǧynyŋ bır bölıgın ala alatyn azamattar tuǧannanjūmys jasaǧandar-au, şamasy.
Maira Berık:
- Joldaudy estıgende bır quanyp edık. Ättegen-ai! 30 jasynda 2,5 million jinaǧan adamnyŋ üisız jüruı mümkın emes qoi. Baspana ala almai jürgender – 100-200 myŋ jalaqy alatyn jandar. Şynaiy mūqtajdardyŋ qoly taǧy da jaqsy ömırge qoly jetpeiın dep tūr.
Köpşılıktıŋ pıkırı osyndai. Aldaǧy uaqytta ministrlık qarapaiym halyqtyŋ pıkırın eskerıp, oŋ şeşım qabyldaidy dep senemız.
Diana ASAN,
«Adyrna» ūlttyq portaly
Ūqsas jaŋalyqtar
