Londonda ultraoŋşyl belsendı Tommi Robinson ūiymdastyrǧan marşqa 150 myŋǧa juyq adam jinaldy. Sonymen qatar qalada näsılşıldıkke qarsy narazylyq şeruı de öttı. Robinson jaqtastarynyŋ marşy tärtıpsızdıkke ūlasyp, qaqtyǧystar kezınde 26 polisiia qyzmetkerı jaraqat aldy. Būl turaly VVS jazdy, dep habarlaidy “Adyrna”
«Bırıkken Koroldıktı bırıktıreiık»ūranymen ötken demonstrasiia Uaitholl köşesıne deiın jettı. Būl köşe – Ūlybritaniianyŋ negızgı ükımet mekemelerı ornalasqan aimaq. Narazylyq kezınde bırneşe spiker söz söiledı, olardyŋ qatarynda AQŞ-tan kelgen podkaster, saiasi belsendı jäne Donald Tramptyŋ būrynǧy keŋesşısı Stiv Bennon, sondai-aq videobailanys arqyly söilegen amerikalyq tehnologiialyq magnat İlon Mask boldy.
Britaniia astanasynyŋ basqa bölıgınde «Faşizmge qarsy marş» aiasynda 5 myŋǧa juyq adam jinaldy. Būl şerudı Stand Up To Racism («Näsılşıldıkke qarsy tūraiyq») toby ūiymdastyrdy.
London polisiiasynyŋ mälımdeuınşe, Robinsonnyŋ jaqtastary tärtıp saqşylaryna qarsy «qabyldauǧa bolmaityn zorlyq-zombylyq» körsetken. Poliseilerge şyny bötelkeler, feierverkter jäne basqa da zattar laqtyrylǧan.
Ūlybritaniianyŋ ışkı ıster ministrı Şabana Mahmud poliseilerge şabuyl jasaǧandardy qataŋ aiyptady.
«Qylmystyq äreketke barǧan ärbır adam zaŋ boiynşa tolyq jauapqa tartylady», dedı ol.
