Almaty oblysy Talǧar qalasyndaǧy “Aiala” arnauly äleumettık qyzmet körsetu ortalyǧynyŋ qyzmetkerlerı narazylyqqa şyqty, dep habarlaidy "Adyrna" ūlttyq portaly.
Olardyŋ aituynşa, būǧan deiın bes jyldan astam uaqyt boiy bır täulık jūmys ıstep, ekı kün demalys kestesımen 300 myŋ teŋge jalaqy alyp kelgen. Alaida soŋǧy uaqytta jūmys tärtıbı özgergen: bırınşı täulıkte – kündızgı auysym, ekınşı täulıkte – tüngı auysym, üşınşı künı – demalys. Jaŋa jüiemen jalaqy 243 myŋ teŋgege deiın tömendep ketken.
Qyzmetkerler sonymen qatar zeinetaqy jarnalaryna qatysty da zaŋ būzuşylyqtar bar ekenın aityp, audittık tekserıs jürgızudı talap ettı.
Al mekeme direktory būl qyzmetke jaqynda ǧana taǧaiyndalǧanyn aityp, şeşım eŋbek inspektorynyŋ eskertulerıne bailanysty qabyldanǧanyn tüsındırgen. Ol zeinetaqy jarnalary men jalaqynyŋ azaiuyna qatysty mäselenı bılmeitın bolyp şyqty jäne esepşılerdıŋ jūmysyn mūqiiat tekseruge uäde berdı.
