Reseilık reper Timatidıŋ Astana men Almatyda ötetın konsertı turaly habarlandyru äleumettık jelılerde ülken rezonans tudyrdy. Qazaqstandyqtar būl jaŋalyqqa jappai narazy pıkırler qaldyryp, änşınıŋ konsertın toqtatudy talap etıp jatyr, dep habarlaidy «Adyrna» tılşısı.
Threads jelısınıŋ qoldanuşylary Ukrainadaǧy soǧysty qoldaǧan ärtısterdıŋ älı de Qazaqstanǧa kelıp jatqanyna taŋdanystaryn bıldırdı. Būǧan deiın qazaqstandyqtar reseilık änşı Polina Gagarinanyŋ konsertın ötkızuge qarsylyq tanytqan edı. Nätijesınde belgılengen merzımde öner iesınıŋ konsertı bolmai qaldy.
Endı olar Timatidıŋ konsertın de toqtatudy talap etude. Paidalanuşylar reperdıŋ soǧysqa qoldau bıldırgen mälımdemelerın jarysa jazuda.
Konsert ūiymdastyruşysy, prodiuser jäne Eurostar Entertainment agenttıgınıŋ iesı Aleksei Puchkov da talqylauǧa belsendı aralasty. Ol qazaqstandyqtarǧa renışın bıldırıp, mälımdeme jasady.
«Jaqynda ǧana bız ülken qiyndyqpen The Weeknd-tıŋ Almatyda konsert ötkızuı jönınde kelısımge qol jetkızdık. Änşı 2026 jyly Qazaqstanda öner körsetuge kelısım bergen bolatyn. Alaida soŋǧy oqiǧalar men jelıdegı talqylaularǧa bailanysty bız konserttı basqa elde ötkızudı qarastyryp jatyrmyz»,– dedı Puchkov.
Aita keteiık, Timatidıŋ konsertıne qatysty naqty şeşım älı qabyldanǧan joq.
