İspaniianyŋ Valensiia qalasynda 100 myŋnan astam adam aimaq basşysy Karlos Maconnyŋ otstavkasyn talap etıp narazylyq aksiiasyna şyqty, dep habarlaidy "Adyrna" ūlttyq portaly BBC-ge sılteme jasap.
Qazan aiynda aimaqtaǧy su tasqyny saldarynan 200-den astam adam qaza tauyp, ondaǧan adam ız-tüssız joǧalǧan bolatyn. Narazylyq bıldıruşıler bilık ökılderın tabiǧi apat turaly der kezınde habardar etpegenı üşın aiyptap otyr.
Narazylyqtar kezınde polisiiamen qaqtyǧystar da oryn aldy. Qala äkımı Mariia Hose Katalia synǧan terezeler men örtengen jerlerdıŋ fotosuretterın jariialap, «vandalizm şeşım emes» dep jazdy.
Ötken aptada İspaniia korolı men korolevasyna tabiǧi apattan eŋ köp zardap şekken qalalardyŋ bırın aralap jürgende aşulanǧan narazylyq bıldıruşıler lai atqylady. Sol siiaqty, premer-ministr Pedro Sanchez de jūrttyŋ narazylyǧyna tap bolyp, tez arada evakuasiialandy.
Konservativtı "halyqtyq partiianyŋ" provinsiialyq äkımşılıgın basqaratyn Karlos Mason öz äreketterınıŋ dūrystyǧyn mälımdep otyr. Onyŋ aituynşa, aimaq bilıgı el ükımetınen tiıstı eskertuler almaǧan jäne mūndai auqymdy apatty boljau mümkın emes.
İspaniiada tabiǧi apattar kezınde jauapkerşılıktı aimaq bilıgı köteredı, bıraq olar Madridten kömek sūrai alady. İspandyq meteorologiialyq agenttık 25 qazan künı uragan turaly eskertu şyǧarǧan, bıraq Valensiia bilıgı tūrǧyndarǧa mobildı telefondarǧa eskertu habarlamalaryn tek su tasqyny bastalardan bırneşe saǧat būryn ǧana jıbergen. Osyǧan jauapty şeneunık SMS arqyly habarlauǧa bolatyn jüie turaly müldem bılmegenın aitqan.
Būǧan deiın ispaniialyqtardyŋ qūtqaruşylardy tym keş eskertu jasady, bilık mūndai apatqa daiyn bolmai şyqty dep aiyptaǧany turaly jazǧan edık.
Ūqsas jaŋalyqtar
