Iran prezıdenti Ibragım Raısı Palestına-Izraıl qaqtyǵys aımaǵyndaǵy jaǵdaıǵa qatysty málimdeme jasap, Hamasty qoldaıtynyn bildirdi. Bul týraly jergilikti Mehr News basylymy jarııalady, dep habarlaıdy “Adyrna” ulttyq portaly.
Raısı álemdi Palestına halqyna jasalyp jatqan qysym men ádiletsizdikke nazar aýdarýǵa shaqyrdy.
Ol palestınalyqtardyń áreketin qorǵanys dep atady.
Iran Palestına eliniń zańdy qorǵanysyn qoldaıdy. Sıonıstik rejım men onyń qoldaýshylary aımaq elderiniń qaýipsizdigine qater tóndirýine jaýapty jáne olar bul úshin jaýap berýi kerek, delingen málimdemede.
Eske salaıyq, senbi kúni tańerteń Izraıl Gaza sektorynan zymyran atqylaǵan. Palestınalyq HAMAS sodyrlar toby bul shabýyldy óz moınyna alyp, «Ál-Aqsa daýyly» operaııasynyń bastalǵanyn jarııalady.
Óz kezeginde Izraıl qorǵanys kúshteri Gaza sektoryndaǵy HAMAS nysandaryna soqqy berip jatqanyn málimdedi. «Temir qylyshtar» lańkestikke qarsy operaııasy bastaldy.
Keıin Izraıl premer-mınıstri Netanıahý bul eldiń shabýylǵa batyl jaýap beretinin qaıtalap, gazalyqtardy tez arada qalany tastap ketýge shaqyrdy. Onyń aıtýynsha, armııa «barlyq jerde tolyq kúshpen áreket etetin bolady».
Keshe Izraıl úkimeti eldiń soǵys jaǵdaıyna ótkenin resmı túrde habarlady.
Búgin Palestına-Izraıl qaqtyǵys aımaǵyndaǵy jaǵdaıǵa baılanysty BUU Qaýipsizdik keńesiniń jabyq otyrysy ótkeni belgili boldy, biraq Qaýipsizdik keńesi músheleri eshqandaı málimdeme qabyldaı almaǵan.
Bolyp jatqan jaıtqa baılanysty Qazaqstannyń Syrtqy ister mınıstrliginiń resmı ókili mınıstrlik Izraıldegi qazaqstandyqtardyń otanyna oralýy úshin tizimin jasap jatqanyn aıtty.
