Oral qalasynda 2003 jyly negızı qalanǧan «Oral qūs fabrikasy» bügınde Qazaqstandaǧy jūmyrtqa jäne qūs etı önımderın öndıretın ırı käsıporyndardyŋ bırıne ainaldy. Qazırgı taŋda fabrikada 250 myŋ jūmyrtqalauşy tauyq pen 100 myŋnan astam balapan ösırılude.Käsıporynnyŋ negızgı baǧyty – sapaly, ekologiialyq taza tauyq jūmyrtqasy men qūs etın tūtynuşylarǧa ūsynu. Osy baǧytta jüielı jūmys atqarǧan fabrika elımızdegı jūmyrtqa öndıretın on ırı qūs fabrikasynyŋ qataryna endı.Fabrika aumaǧynda zamanaui qūraldarmen jabdyqtalǧan jem daiyndaityn, jūmyrtqa saqtaityn jäne qūs soiatyn arnaiy nysandar jūmys ısteidı.
Önım sapasyn saqtau üşın käsıporyn aumaǧyna kıru qataŋ baqylauda. Būl şaralar qūstar arasynda taraluy mümkın aurulardyŋ aldyn alyp, tūtynuşylar densaulyǧyn qorǧauǧa baǧyttalǧan.«Oral qūs fabrikasy» – sapa men qauıpsızdıktı basty orynǧa qoiǧan otandyq käsıporyn retınde öŋır ekonomikasyna eleulı üles qosyp keledı.
Jaŋǧyru jolyndaǧy jüielı jūmys
«Oral qūs fabrikasy» JŞS direktory Jūmaǧambetov Timurdyŋ aituynşa 2020 jyly ülken serpılıs bolǧan maŋyzdy jobalardyŋ bırı – №8 sehtyŋ ıske qosyluy. Būl jaŋa öndırıstık nysan Germaniianyŋ jetekşı öndıruşısı jasaǧan jaŋa buyndaǧy qūral-jabdyqtarmen jabdyqtalǧan. Atap aitqanda, «Univen» atty torly jüie arqyly qūstardyŋ densaulyǧyn saqtau men ekologiialyq tepe-teŋdıktı ūstau qamtamasyz etılıp, önımdılık aitarlyqtai artypty. – «Oral qūs fabrikasy» 2003 jyldan berı elımızdegı qūs şaruaşylyǧy salasynda tūraqty eŋbek etıp keledı. Qazırgı taŋda käsıporyn Qazaqstandaǧy jūmyrtqa öndıretın ırı on fabrikanyŋ bırı sanalady. Mūndai nätijege jetu üşın bız ünemı jaŋǧyryp, zamanaui tehnologiialarǧa basymdyq berıp kelemız.Sonymen qatar, fabrikada bırneşe maŋyzdy avtomattandyrylǧan qūrylǧylar ıske qosyldy. Atap aitqanda, jūmyrtqa jinau maşinasy (iaisesbornaia maşina)jäne jūmyrtqa sūryptau maşinasy (iaisesortirovalnaia maşina)tolyqtai engızıldı. Būl jabdyqtar öndırıstık prosestı aitarlyqtai jeŋıldetıp, adam eŋbegın oŋtailandyrdy. Būl önım sapasyn arttyryp qana qoimai, sanitarlyq talaptardy qataŋ saqtauǧa mümkındık berdı. 2022 jyly fabrikada taǧy bır maŋyzdy kezeŋ jüzege asty – öndırıs tolyqtai avtomattandyrylyp, jūmyrtqalardy qaptau jäne buyp-tüiu prosesterı de sifrlandyryldy. Būl özgerıster esep jüiesın jeŋıldetıp, baqylaudy küşeittı,- dedı «Oral qūs fabrikasy» JŞS direktory Timur Bijanūly.
Sapa men senımnen bastaǧan damu joly
«Oral qūs fabrikasy» JŞS ūjymynda 33 joǧary bılımdı maman eŋbek etedı. Basşylyq kadrlardyŋ käsıbi damuyna erekşe köŋıl bölıp, jyl saiyn 14-16 qyzmetkerdı arnaiy oqytu kurstary men seminarlarǧa jıberedı. Öitkenı basşylyq zamanaui öndırıstı basqaru üşın bılım men täjıribe qatar jüruı tiıs dep esepteidı. Fabrikadaǧy öndırıs jaǧdailary halyqaralyq standarttarǧa sai ūiymdastyrylǧan. Sonyŋ nätijiesınde «Oral qūs fabrikasy» respublikalyq baiqaularda — «Altyn sapa», «Sapaly önım», «Paryz» — jüldelı oryndarǧa ie boldy. Būl önımge degen tūtynuşylardyŋ senımı men memlekettık deŋgeidegı joǧary baǧanyŋ dälelı. Käsıporyn tek sapaly önım öndırumen ǧana şektelmei, auyl şaruaşylyǧy men öŋırlık damuǧa da eleulı üles qosuda. Aldaǧy uaqytta öndırıstı keŋeitıp, jaŋa sehtar men jūmys oryndaryn aşu josparlanuda.Negızgı maqsat — halyqty sapaly, qauıpsız jäne ekologiialyq taza önımmen qamtamasyz etıp, halyqaralyq naryqta bäsekege qabılettı otandyq brend qalyptastyru. Mäselen,«Oral qūs fabrikasynyŋ» qoima jetekşısıSeitjan Qojenovtıŋ aituynşa soŋǧy bes jylda jūmys jasau edäuır jeŋıldegen. Sebebı avtomattandyrylǧan jüie sapaly qyzmet körsetuge sep bolypty. – «Oral qūs fabrikasynda jūmys ıstegenıme on bes jyldan asty. Ūjymymyz öte tatu ärı bırlıkpen jūmys ısteidı. Qyzmetımdı jaqsy köremın. Soŋǧy jyldary fabrikaǧa köp tehnika men jaŋa qūrylǧylar satyp alyndy. Mysaly, avtomattandyrylǧan qoima jüielerı, tauarlardy tez jäne dūrys saqtau üşın arnaiy qūraldar engızıldı. Būl jaŋalyqtar jūmysty aitarlyqtai jeŋıldettı, qoimadaǧy esep-qisap pen tauar ainalymy däl ärı jüielı boldy. Osyndai qoldau arqyly bız öndırıstıŋ üzdık sapasynda boluyna öz ülesımızdı qosudamyz,- dedı qoima jetekşısı Seitjan Qojenov.
Jaŋa tehnologiialar – sapaly önım kepılı
Bügınde ol 250 myŋ jūmyrtqalauşy tauyq pen 100 myŋ balapan ösıruge arnalǧan. Qazaqstandaǧy jetekşı on qūs fabrikasynyŋ qataryna engen būl öndırıs kölemı men sapasyna erekşe män beredı.Käsıporyn aumaǧynda jūmyrtqalauşy tauyqtarǧa arnalǧan 7 seh pen balapan ösıruge arnalǧan 2 seh jūmys ısteidı. Sonymen qatar, jem daiyndaityn seh, jūmyrtqa qoimasy jäne soiu sehy da bar. 2020 jyly №8 öndırıstık seh paidalanuǧa berılıp, öndırıstıŋ mümkındıkterı keŋeitıldı. Mūnda Germaniianyŋ «Big Dutchman» kompaniiasynyŋ joǧary tehnologiialyq jabdyqtarymen qamtamasyz etılgen. Būl zamanaui jüieler qūs densaulyǧyn saqtap, ekologiialyq jaǧdaidy būzbai, önım sapasyn arttyruǧa mümkındık beredı. 2022 jyly käsıporynda tehnikalyq qaita jaraqtandyru jürgızılıp, ozyq tehnologiialar engızıldı. Būǧan qosa «MOBA» kompaniiasynyŋ sūryptau jäne qaptau maşinasynyŋ kömegımen önımnıŋ sapasy men eŋbek önımdılıgı edäuır artty. Sonymen qatar, öndırıs kompiuterlık esepke alynyp, tiımdılık joǧarylady.
«Oral qūs fabrikasy» – sapaly önım öndırumen qatar, öŋırdıŋ auyl şaruaşylyǧyn damytuǧa jäne jaŋa jūmys oryndaryn aşuǧa üles qosatyn ırı käsıporyn. Jaŋa tehnologiialar men zamanaui jabdyqtar käsıporynnyŋ naryqtaǧy bäsekege qabılettılıgın arttyryp, tūtynuşylardyŋ senımıne ie boluda. «Oral qūs fabrikasynyŋ» bas veterinary Gülmira Qabirova aituynşa, qūstardyŋ densaulyǧy fabrikada eŋ bırınşı orynǧa qoiylǧan. – Är kezeŋde bırneşe deŋgeilı arnaiy tekseruler ötkızılıp, aurulardyŋ aldyn alu üşın keşendı şaralar qabyldanady. Olar bırneşe deŋgeilı, iaǧni qūstardy ünemı baqylap, aurudyŋ aldyn alu maqsatynda keşendı şaralar qabyldaimyz. Qūstarymyzdyŋ jai-küiın qadaǧalau üşın zamanaui diagnostikalyq qūraldar men ädısterdı qoldanamyz. Vaksinasiia, dezinfeksiia jūmystaryn jüielı türde ötkızıp, önımımızdıŋ sapasy men qauıpsızdıgın joǧary deŋgeide ūstap tūramyz. Būl – bızdıŋ basty maqsatymyz jäne jauapkerşılıgımız, - deidı «Oral qūs fabrikasynyŋ» bas veterinary Gülmira Qabirova.
Öndırıs ösıp, jūmys orny köbeidı
«Oral qūs fabrikasy» JŞS – Batys Qazaqstan oblysynyŋ qūs şaruaşylyǧy salasyndaǧy negızgı öndıruşısı. Käsıporyn Qazaqstan halqyn joǧary sapaly, dietalyq qūndylyǧy joǧary jūmyrtqa men qūs etımen qamtamasyz etıp, auyl tūrǧyndaryna tūraqty jūmys oryndaryn ūsynyp keledı.2024 jyly fabrikada öndırılgen jūmyrtqa kölemı 95 million danaǧa jettı. Sonymen qatar, balapan ösıruge arnalǧan sehtarda 227,5 myŋ bas balapan sättı ösırıldı. Būl körsetkışter – käsıporynnyŋ önımdılıgınıŋ joǧary deŋgeiın jäne naryqtaǧy tūraqty ornynyŋ aiqyn dälelı.«Oral qūs fabrikasynda» qazırgı taŋda orta eseppen 145 qyzmetker jūmys ısteidı. Fabrikanyŋ ūjymy negızınen Oral qalasyna qarasty eldı mekenderden – Zachagansk, Şapovo, Serebriakovo, Krugloozernoe, Bolşoi Chagan auyldarynan kelgen mamandardan qūralady.2009 jyldan berı «Oral qūs fabrikasy» ISO 9001 jäne ISO 22000 halyqaralyq standarttaryna sai integrasiialanǧan menedjment jüiesın engızıp, önım sapasy men qauıpsızdıgın joǧary deŋgeide qamtamasyz etıp otyr. Sonymen qatar, fabrika taǧam qauıpsızdıgın basqaru jüiesı – HASSP (qauıptılıkterdı taldau jäne maŋyzdy baqylau nüktelerı) standarttary boiynşa sertifikattalǧan.Būl jetıstıkter – «Oral qūs fabrikasynyŋ» sapaly önım öndıruge, zamanaui tehnologiialardy engızuge jäne äleumettık jauapkerşılıkke degen ūstanymynyŋ körınısı. Käsıporyn öŋırdıŋ auyl şaruaşylyǧyn damytuǧa, jergılıktı halyqty jūmyspen qamtuǧa jäne el ekonomikasyna mol üles qosuda.
