26 qaŋtarda FlyArystan äuekompaniiasynyŋ Oral – Astana baǧyty boiynşa ūşaǧy Oral qalasynyŋ äuejaiynan ūşqan kezde qūstar tobymen soqtyǧysqan. Būl turaly Air Astana kompaniiasy mälımdedı, dep habarlaidy ”Adyrna” ūlttyq portaly.
Mälımet boiynşa, ūşaq jüielerı men qozǧaltqyştarynyŋ jūmysynda auytqu baiqalmaǧandyqtan, ekipaj ūşudy jalǧastyryp, Astana qalasynyŋ äuejaiyna ştattyq rejimde qonǧan.
Äue kompaniiasynyŋ aqparatynşa, ūşaq qozǧaltqyşyndaǧy kompressor qalaqşalary men fiuzeliajǧa zaqym kelgen. Sondai-aq qūstardyŋ qaldyqtary qozǧaltqyşta jäne basqa jerlerde tūryp qalǧan.
Oral äuejaiynda osy siiaqty oqiǧalardy boldyrmau maqsatynda qūstardyŋ türlerın anyqtau üşın DNQ-testıleu jasalǧaly jatyr.
Air Astana kompaniialar toby Qazaqstan äuejailarynda jabaiy tabiǧatty basqaru baǧdarlamalaryn jaqsartu üşın halyqaralyq sarapşylarmen belsendı yntymaqtastyq jasaitynyn mälımdedı.
Kompaniia mälımetınşe, eldegı mūndai oqys oqiǧalardyŋ deŋgeiı IATA derekterı boiynşa älemdık körsetkışten edäuır asyp tüsedı. 2024 jyly Air Astana kompaniialar tobynda 10 myŋ ūşuǧa qūstarmen soqtyǧysu körsetkışı 2023 jylmen salystyrǧanda 30%-ǧa ösıp, 203 oqiǧany qūraǧan.
Eske salsaq, būǧan deiın, Aqtau maŋyndaǧy äzerbaijandyq ūşaq apatynyŋ aldyn ala sebebı osy aptada aitylatyny habarlanǧan.
Ūqsas jaŋalyqtar
