Oralda bos tūrǧan päterde ört şyǧyp, artynşa ülken jarylys boldy. Oqiǧanyŋ barysy äleumettık jelıde jariialandy, dep habarlaidy "Adyrna".
Tötenşe jaǧdai bügın, 12 jeltoqsan künı saǧat 14:00-de Siolkovskii köşesınde boldy.
Ört köpqabatty üidıŋ üşınşı qabatynan bastalǧan. Ört söndıruşıler ıştegı tūrǧyndardy saty arqyly balkonnan qūtqarmaq bolǧanmen, jarylys bolyp, balkonyn opyryp tüsırgenın baiqauǧa bolady. Örttı kuägerler videoǧa tüsırıp aldy.
«2025 jylǧy 12 jeltoqsanda BQO TJD 112 kezekşı dispetcherlık qyzmetıne bes qabatty tūrǧyn üidıŋ üşınşı qabatynda ornalasqan päterdıŋ balkon terezesınen qatty tütın şyqqany turaly habar tüstı. Oqiǧa ornyna jedel jetken ört söndıru bölımderı päterde jeke zattar men jihazdyŋ aşyq jalynmen örtenıp jatqanyn anyqtady.
Örttı söndıru gaz-aua qospasynyŋ jaryluy saldarynan qiyndady, nätijesınde tereze ramasy men balkon şynysy syndy. Qazırgı uaqytta zardap şekkender turaly aqparat joq, körşılerdıŋ aituynşa, atalmyş päterde eşkım tūrmaidy.
Qūtqaruşylar jürgızgen der kezınde evakuasiianyŋ arqasynda üi tūrǧyndary auyr zardaptardan aman qaldy. Ört tolyqtai 10 m² aumaqta söndırıldı. Örttıŋ şyǧu sebebı anyqtaluda. Örttı söndıruge TJD-dan 23 qyzmetker jäne 6 bırlık tehnika jūmyldyryldy», – deidı TJM agenttık tılşısıne bergen pıkırınde.
