Batys Qazaqstan oblysy Aqjaıyq aýdany Bazarsholan aýylynda joǵalyp ketken 18 jastaǵy stýdenttiń denesi ózennen tabyldy, dep habarlaıdy “Adyrna” ulttyq portaly.
"Moı gorod" basylymynyń habarlaýynsha, stýdenttiń denesi Jaıyq ózeninen tabyldy.
“25 tamyzda Erasyl Tóleýǵalıdyń denesin súńgýirler Jaıyq ózeninen alyp shyqty. Ol sýǵa kıimmen túsken, - delingen habarlamada.
Aıta keteıik, kolledjdiń 3-kýrs stýdenti Erasyl Tóleýǵalı demalys kezinde Aqjaıyq aýdanyndaǵy týystaryna úı sharýasyna kómektesýge barǵan. Stýdent jigit Bazarsholan aýylynyń janyndaǵy Qydyrbaı qystaýynda bolǵan. Alaıda 21 tamyzda qystaýdaǵy shóp órtenip, Erasyl týystarymen birge maldy alys jerge aıdaýǵa shyqqan. Artynan inilerin úıge qaıtarǵan ol sol kúıi qaıtyp kelmegen.
“Adyrna” ulttyq portaly
