"Ädılettı Qazaqstandy “eskı jüiege”bailanǧan jemqorlardan tazartu arqyly bırge qūraiyq! Bärın bır Prezidentke artyp qoiyp, “Sen ne üşın jürsıŋ, ol ne üşın Prezident?”,-degen qūl-tüsınıkten arylsaq qana - ösemız, önemız". Būl pıkırdı belgılı zaŋger Aigül Orynbek özınıŋ feisbuk paraqşasynda qaldyrdy, dep jazady "Adyrna" ūlttyq portaly.
"Ädılettı Qazaqstandy tek bır adam ornatpaidy! Men qoǧamda ädılettılıktı bügın ǧana talap etıp jürgenım joq, būl - jyldar boiǧy jürıp jatqan küres! Jatyp alyp:”üitpeisıŋ be, büitpeisıŋ be” deitınderge aitarym, otyz jyl boiy qordalanǧan zaŋsyzdyqty, tamyryn tereŋge tartqan jemqorlyqty - bır adam kelıp, ony bır künde joiyp jıberuı mümkın emes! Är öŋırden, jer-jerden Elımızdıŋ erteŋı üşın, Ädılettı Qazaqstan üşın jasqanbai küresuımız kerek! Rasynda, “eskı jüie” jyldar boiy halyqty sauyp keldı, ärmen qarai da sauǧysy keletınder oŋailyqpen berılmeidı Jemqorlyqsyz taza El bolǧymyz kelse - ädıldık jolynda jürgenderge josyqsyz kedergı keltırmei, odanda bızge jıger berıp, qatarymyzǧa qosylyŋyzdar!Jäi ǧana köşege tastalǧan qoqystyŋ özı - tärtıp būzu bolyp tabylatynyn ärbır adam jıtı sezınuı kerek! Bärın bır Prezidentke artyp qoiyp, “Sen ne üşın jürsıŋ, ol ne üşın Prezident?”,-degen qūl-tüsınıkten arylsaq qana - ösemız, önemız!", - deidı Aigül Orynbek.Zaŋger bız qūqyqtyq sauatty arttyru arqyly Ädılettı Qazaqstan qūratynymyzǧa toqtaldy.
"Äsırese, auyl-aimaqtaǧy azamattar belsendı boluy maŋyzdy! Bız memleketımızde qūqyqtyq sauatty arttyru arqyly - öz qūqyǧymyzdy qorǧap qana qoimai, ony talap ete alamyz! Bastysy, Ädılettı Qazaqstandy qūramyz! Prezidentımız Q.K.Toqaev Qazaqstandaǧy ädıletsızdıkterdı körmei otyrǧan joq emes, körıp otyr! Bılıp otyr! Jalǧyz özıne eldegı “qordalanǧan” jäne “qatparlanǧan” jemqorlyqpen küresu - oŋai emes! Men siiaqty auyldan şyqqan qarapaiym qazaqtyŋ qyzyn - osy maqsatta özınıŋ janyndaǧy Ūlttyq senım keŋesıne kırgızdı dep oilaimyn! Osy uaqytqa deiın Prezident atyna menıŋ üstımnen qanşama şeneunıkten aryz tüstı! Tıptı ötkende barǧanymda Prezidentımız: “Aigül, äkımder üstıŋnen aryzdanuda”, dep küldı. Şyntuaitynda, Memleket basşysy osy uaqytqa deiın menıŋ qoǧamdaǧy qauzap jürgen jaittarym men köterıp jürgen mäselelerıme şekteu qoimaǧan!", - deidı zaŋger.Onyŋ aituynşa, sözden ıske köşetın uaqyt keldı.
"Qaita öz qylmystary men “bylyqtarynyŋ” betı aşylyp qaluynan qorqyp jürgen “şendıler” men “şeneunıkter” jolymdy kestestep, maǧan kedergısın keltırıp jatyr! Sebebı, men olardan milliondarǧa tender alyp, ony zaŋsyz jolmen “igerıp” otyrǧanym joq! “Şäi-mailaryn” alyp, negızsız maqtap-madaqtau da - men üşın jat, jiırkenıştı! Arym da, nanym da - adal! Halyq menı sol üşın de jaqyn tartsa kerek… Üide jatyp alyp, kölgırsu - bärımızdıŋ qolymyzdan keledı, al ıspen körsetıp, anyǧy sol jolda küresu - ekınıŋ bırınıŋ qolynan kele bermeidı! Ädılettı Qazaqstan qūru jolyndaǧy küresker azamatşa retınde aitarym, sözden - ıske köşetın uaqyt jettı! Ädılettı Qazaqstandy “eskı jüiege”bailanǧan jemqorlardan tazartu arqyly bırge qūraiyq! Qasym-Jomart Kemelūlyna ädıldık üşın küres jolynda qoldau bıldıreiık!", - deidı Aigül Orynbek.
"Adyrna" ūlttyq portaly
Ūqsas jaŋalyqtar
#sybailas_jemqorlyq
jemqorlyq
#Toqaev
saiasat
Ädılettı qazaqstan
şeneunık
zaŋger
Aigül Orynbek
Qasym-Jomart Toqaev
Jaŋa Qazaqstan
qūqyq qorǧauşy
eskı jüie
