Ündıstanda ūşaq apatynyŋ sebebı anyqtaldy, dep habarlaidy "Adyrna" ūlttyq portaly.
2025 jyldyŋ 12 mausymynda Ahmedabad qalasynan Londonǧa baǧyt alǧan Boeing 787-8 Dreamliner ūşaǧy äuege köterılgen soŋ nebärı 29 sekund ötkende apatqa ūşyrady. Apat saldarynan 260 adam qaza tauyp, tek bır ǧana jolauşy tırı qalǧany belgılı boldy.
Ündıstannyŋ Äue apattaryn tergeu biurosy (AAIB) apat sebebın zerttei kele, ekı qozǧaltqyşqa otyn berudıŋ kenet toqtauy basty sebep bolǧanyn anyqtady. Tergeu nätijesı boiynşa, ūşu kezınde otyn jüiesınıŋ auystyrǧyştary belgısız sebeppen “RUN” (jūmys ısteu) küiınen “CUTOFF” (toqtatu) küiıne auystyrylǧan. Būl janarmai berudı toqtatyp, qozǧaltqyştar tartu küşınen aiyrylǧan. Ūşqyştardyŋ özara sūhbaty jazbaǧa tüsıp qalǧan.
"Nege otyndy ajyrattyŋ?" – degen sūraqqa ekınşı ūşqyş "Eşteŋe ıstegen joqpyn" dep jauap bergen. Olar otyn berudı qalpyna keltıruge tyrysqanmen, biıktık pen uaqyttyŋ jetıspeuşılıgınen būl mümkın bolmaǧan.
Mamandardyŋ aituynşa, būl auystyrǧyştar kezdeisoq basyludan qorǧalǧan. Iаǧni, olardy tek qasaqana äreket ne tehnikalyq aqau bolǧan jaǧdaida ǧana özgertuge bolady. Sondyqtan būl apattyŋ naqty sebepterı tergeu nätijesınde tolyq aiqyndalady dep kütılude.
Aman qalǧan jalǧyz jolauşy – 40 jastaǧy Ūlybritaniia azamaty. Ol ūşaqtyŋ artqy jaǧynda, esıkke jaqyn jerde otyrǧan ärı qauıpsızdık belbeuın myqtap bailap alǧan eken.
