2024 jyldyŋ 25-28 qaŋtar aralyǧynda Ündıstannyŋ Goa qalasynda robototehnikadan ötken «The Goa International Robotics Festival» halyqaralyq aşyq chempionatynda 220 komanda baq synasty.
Chempionatqa Qazaqstannyŋ namysyn qorǧauǧa Ekıbastūz, Qūlsary, Almaty jäne Astana qalalarynyŋ oquşylary qatysqan.
Üş kündık jarystyŋ qorytyndysy boiynşa Almaty qalasynan barǧan «Sana team» jäne «Qazaq style» qūrama komandalary ekı joǧary nagradamen marapattaldy.
12 jastan 18 jasqa deiıngı FIRST Tech Challenge sanaty boiynşa:
-1 oryn «Motivate award» - Sana Team komandasy, Almaty qalasynyŋ Bılım İnnovasiia Liseiı (BİL);
-1 oryn «Inspire award» - «Qazaq style» qūrama komandasy, Almaty qalasynyŋ №124 JBBM, №81 mektep-gimnaziia, №178 mamandandyrylǧan lisei, №206 mektep-gimnaziia, №200 mektep-gimnaziialary.
«Bızdıŋ komandalarymyz jarysqa qatysu täjıribesınıŋ azdyǧyna qaramastan öte joǧary käsıbi deŋgeiın baiqatty. Chempionatta tamaşa oiyn örnegın körsetıp, töl mädenietımızdı paş ettı. Elımızge şeteldık komandalardy şaqyru üşın ülken jūmys atqaryldy. Osylaişa, aqpan aiynda Astanadaǧy Ortalyq Aziia oiyndaryna Ündıstan men Şri-Lankadan bırneşe komanda qatysatynyn rastady», — dedı «Almaty daryny» ortalyǧynyŋ bölım basşysy Janna Almusaeva.
Aita ketsek, Goa qalasynda ötken jas önertapqyştar bäigesıne joldamany Qazaqstannan barǧan oquşylar Oqu-aǧartu ministrlıgınıŋ jäne Almaty qalasy äkımdıgınıŋ qoldauymen ötken «Almaty Tech Cup» respublikalyq turnirınde jeŋıp alǧan bolatyn.
