7 aqpan kúni Aqtaý mańyndaǵy ushaq apatynda qaza bolǵandardy eske alý sharasy ótti. Bul is-sharany Qazaqstannyń Ázerbaıjandaǵy Elshiligi men Mańǵystaý oblysynyń ákimdigi uıymdastyrdy, dep habarlaıdy “Adyrna” ulttyq portaly.
Sharaǵa Mańǵystaý oblysynyń ákimi Nurdáýle Qılybaı, Qazaqstannyń Ázerbaıjandaǵy Elshisi Álim Baıel, Azerbaıjannyń Qazaqstandaǵy Elshisi Agalar Atamoglanov, Azerbaıjannyń Aqtaýdaǵy bas konsýly Aıhan Sýleımanly, qaza tapqan qazaqstandyqtardyń týystary, azerbaıjan dıasporasynyń ókilderi, qutqarý jumystaryna qatysqan mekemelerdiń ókilderi jáne Aqtaý qalasynyń turǵyndary qatysty. Is-sharanyń basynda Qurannan aıattar oqyldy.
Mańǵystaý oblysynyń ákimi Nurdáıýlet Qılybaı qaza bolǵandardyń týystaryna kóńil aıtyp, Qazaqstan Prezıdenti Qasym-Jomart Toqaevtyń tapsyrmasymen apattyń saldaryn joıý jáne sebepterin anyqtaý, zardap shekkenderge kómek kórsetý úshin Úkimettik komıssııa qurylǵanyn atap ótti. Qazaqstannyń ýákiletti organdary, onyń ishinde Mańǵystaý oblysynyń ákimdigi tragedııa kúnderi barlyq qajetti sharalardy qabyldady. Qılybaı qutqarýshylarǵa, dárigerlerge jáne jany ashyǵan barlyq qazaqstandyqtarǵa taǵy da alǵys aıtty.
Qazaqstannyń Ázerbaıjandaǵy Elshisi Álim Baıel búgingi tańda Qazaqstan men Ázerbaıjan arasyndaǵy qatynastar shyn máninde odaqtastyq sıpat alǵanyn atap ótti. Ol Qazaqstan men Ázerbaıjannyń Kaspıı teńiziniń shyǵys jáne batys jaǵalaýlarynda ornalasqanyn jáne túrki áleminde mańyzdy oıynshylar bolyp tabylatynyn, sondaı-aq Eýrazııalyq kólik-logıstıka arhıtektýrasynyń negizgi býyndary ekenin atap ótti.
Baıel Ázerbaıjan prezıdenti Ilham Álıevtiń sózderin eske aldy, onda ol eki el arasyndaǵy dostyq pen baýyrlastyqtyń tragedııadan keıin nyǵaıǵanyn aıtqan bolatyn. Osy kontekste ol Qazaqstan tarapyna Ázerbaıjandyq kásipker Ámıl Iýsıfovtyń qaza bolǵandardyń otbasylaryna kómek kórsetý týraly usynysyn rızashylyqpen qabyldaǵanyn aıtty. Óz kezeginde ázerbaıjandyq kásipker Qazaqstanda tabysty bıznes júrgizip, baýyrlas halyqqa kómek kórsetý óz mindeti dep atap ótti.
Shara barysynda Ámıl Iýsıfov qaza bolǵan qazaqstandyqtardyń týystaryna Almaty qalasyndaǵy jańa turǵyn úı kesheninen 5 eki bólmeli páterdiń kiltterin tapsyrdy. Páterler jıhazben jáne turmystyq tehnıkamen jabdyqtalǵan. Sonymen qatar, meenat Mańǵystaý oblysy TJ departamentine, Aqtaý qalasynyń aýrýhanasy men jedel járdem stanııasyna úsh jańa kólik syılady.
Qaza bolǵandardyń týystary men zardap shekkenderge kómek kórsetken mekemelerdiń qyzmetkerleri ázerbaıjandyq kásipkerge alǵys aıtty. Oblys ákimi Mańǵystaý oblysy jurtshylyǵy atynan alǵys bildirip, bul is-sharanyń qazaq-azerbaıjan dostyǵynyń taǵy bir úlgisi bolǵanyn erekshe atap ótti.
