Almatyda laı basyp qalǵan úıindi astynan bir adamnyń denesi tabyldy. Saǵat 10:00-degi aqparat boıynsha Almatyda laı kóshkini bolǵan jerde jedel shtab quryldy, dep habarlaıdy “Adyrna” ulttyq portaly.
Qutqarýshylar osy úıde turatyn áıel men er adamdy, sondaı-aq búgin sabaqqa kelmegen balany izdestirip jatyr.
182 maman men 32 tehnıka jumyldyryldy. Jedel medıınalyq járdem brıgadalary jumys isteýde. Laı basyp qalǵan úıde turatyn adamdardyń týystary men kórshilerine shuǵyl psıhologııalyq kómek kórsetildi.
Izdeý-qutqarý jumystary jalǵasýda. Izdeý jumystaryna ıtter de tartyldy.
Eske sala keteıik, 8 aqpanda Medeý aýdanynyń "Taý Samaly" shaǵyn aýdanyndaǵy Olımpıskıı kóshesi boıynda tehnogendik sıpattaǵy topyraqtyń batpaqtanýy saldarynan laı kóshkini boldy.
