Reseılik «Baza» BAQ-y Aqtaý mańynda apatqa ushyraǵan ushaqtan alynǵan «jazbalardyń» rastalmaǵan «transkrıpııasyn» jarııalady, dep habarlaıdy "Adyrna" ulttyq portaly QazTAG-qa siltep.
«Baza» AZAL ushaǵynyń dıspetcherlermen áńgimeleriniń tolyq mátinin jarııalady.
«Ázerbaıjan avıalınııalary» ekıpajy Groznyıǵa qoný, Mahachqalaǵa ushpaý, keıin Bakýge qaıta oralý jáne sońynda Aqtaýǵa baǵyt alý týraly sheshimderdi ózderi qabyldaǵanyn kórýge bolady», - dep habarlaıdy «Baza».
Habarlamada dıspetcherler aldymen Groznyıǵa, keıin Mahachqalaǵa qonýdy usynǵany, Reseıdiń basqa áýejaılary týraly derekter bergeni, biraq ekıpaj sol jerlerge qonbaý týraly sheshim qabyldaǵany aıtylady. Sonymen qatar, BAQ jazbalardan ekıpajdyń dıspetcherlermen áńgime barysynda qusqa soqtyǵysý jáne borttaǵy gaz ballonynyń jarylýy týraly nusqalardy aıtqany belgili boldy dep málimdeıdi.
«Bazanyń» derekteri boıynsha, jazbalarda ushaqqa syrtqy áser bolǵany baıqalady, alaıda pılot bortta tótenshe jaǵdaı jarııalamaǵan.
Reseı tergeý komıteti Aqtaý mańyndaǵy ushaq apatyna qatysty keshendi sot saraptamasyn taǵaıyndaǵanyn habarlady.
«Dıspetcherlik qyzmetterdiń, áýe qozǵalysyn uıymdastyrý júıesiniń jáne áýe qorǵanys kúshteriniń qyzmetine baǵa berý úshin keshendi uıymdastyrýshylyq-tehnıkalyq sot saraptamasy taǵaıyndaldy», - delingen habarlamada.
Memleketaralyq avıaııa komıtetiniń mamandarymen birlesip, ushaqtyń jazba qurylǵylarynan alynǵan derekter taldanyp jatqanyn habarlady.
Komıtettiń derekteri boıynsha, Groznyı, Mahachqala jáne Mıneraldy Sýlar dıspetcherleriniń áýe kemesiniń komandırimen júrgizgen kelissózderi taldanýda. Ushaqtyń barlyq júıeleriniń jaǵdaıy men materıaldyq aıǵaqtary zerttelip jatqanyn atap ótti.
Eske sala keteıik, 25 jeltoqsan kúni Aqtaý áýejaıy mańynda Azerbaijan Airlines áýe kompanııasynyń Baký – Groznyı baǵytyndaǵy jolaýshylar ushaǵy apatqa ushyrady. Biraq 26 jeltoqsanda Eýropanyń ortalyq aqparat quraldarynyń biri – Euronews telearnasy ushaq apatyna Reseı zymyrany sebep bolǵanyn habarlady. Ázerbaıjan BAQ-tarynyń málimetinshe, bul – Reseıdiń «Panır-S» áýe qorǵanys júıesi.
Osyǵan deıin Qazaqstan senatory Andreı Lýkın Aqtaý mańynda apatqa ushyraǵan ushaqty atyp túsirý týraly nusqany jarııa túrde talqylamaýǵa shaqyrǵan bolatyn. 27 jeltoqsanda Reseı avıaııasy apat aldynda ushqyshsyz ushý apparattarynyń shabýyldaryn qaıtarý boıynsha «Kover» jospary aıasynda jumystar júrgizilgenin moıyndady. Sol kúni Azerbaijan Airlines Aqtaý mańyndaǵy apattyń sebebi retinde «fızıkalyq jáne tehnıkalyq kedergilerdi» atady.
