Oral qalasy äkımdıgınıŋ, memlekettık kırıster jäne qalalyq polisiia basqarmalarynyŋ bırqatar lauazymdy tūlǧalary būqaralyq onlain-bukmekerlık platformalar arqyly qūmar oiyndarǧa qatysqany üşın jauapkerşılıkke tartyldy, dep habarlaidy "Adyrna" ūlttyq portaly.
2024 jyldyŋ 15 nauryzynda Atyrauda ötken Ūlttyq qūryltai otyrysynda Prezident Qasym-Jomart Toqaev memlekettık qyzmetşılerdıŋ qūmar oiyndarǧa qatysuyna tyiym salu jönınde tapsyrma bergen bolatyn. Osyǧan bailanysty 2024 jylǧy 9 qyrküiekten bastap zaŋnamaǧa özgerıster engızılıp, memlekettık qyzmetşılerdıŋ bäs tıguı sybailas jemqorlyqqa qarsy şekteulerdı būzu retınde tanylady.
Prokuratura jürgızgen taldau nätijesınde Oral qalasy äkımdıgı, memlekettık kırıster basqarmasy jäne polisiia basqarmasyndaǧy keibır qyzmetkerlerdıŋ bukmekerlık keŋseler arqyly qūmar oiyndarǧa qatysqany anyqtalǧan.
"Qadaǧalau nätijesınde 24 şeneunık tärtıptık jauapkerşılıkke tartylyp, 16 qyzmetker jūmystan bosatyldy", – dep habarlady BQO prokuraturasy.
Atap aitqanda, «OLIMPBET» kompaniiasynyŋ mälımetınşe, Oral qalasy äkımdıgınıŋ bır qyzmetkerı 2021 jylǧy 5 mausymnan 2025 jylǧy 22 qaŋtarǧa deiın özınıŋ jeke şotyna 34 million teŋgeden astam qarajat salyp, onyŋ bır bölıgın ūtylǧan. Zaŋnama küşıne engennen keiın ol 1,7 million teŋge salyp, onyŋ 971 myŋ teŋgesın joǧaltqan. Osy faktılerge bailanysty atalǧan qyzmetker lauazymynan bosatyldy.
