9 qaraşada eks-ministr Quandyq Bişımbaev elordadaǧy meiramhanalardyŋ bırınde äielın ölımşı etıp ūryp-soqqan. Bırqatar BAQ pen Telegram-arnalar būrynǧy ūlttyq ekonomika ministrdıŋ qylmysy turaly aqparat taratuda, dep habarlaidy "Adyrna" tılşısı.
9 qaraşa künı Astanadaǧy meiramhanalardyŋ bırınde keluşıler arasynda janjal şyǧyp, saldarynan bır äiel alǧan jaraqatynan köz jūmǧan. Saǧat 19:54-te jedel medisinalyq qyzmet körsetu stansiiasy pultıne qoŋyrau tüsken. Jedel järdem brigadasy oqiǧa ornyna jetkende 1992 jyly tuǧan äieldıŋ qaza bolǧanyn habarlady. Keiın marqūmnyŋ 31 jastaǧy Saltanat Nükenova ekenı belgılı boldy. Ol - eks-ministr Quandyq Bişımbaevtyŋ äielı.
Al Quandyq Bişımbaevtyŋ ūstalǧanyn 10 qaraşada ışkı ıster ministrınıŋ orynbasary Serık Särsenov rastaǧan bolatyn. Sonymen qatar BAQ betterınde "Astanada eks-ministr Quandyq Bişımbaev ūstalǧan sätınde tüsırıldı" degen suretter tarady. Istıŋ män-jaiy tekserılıp jatyr. Degenmen jelı qoldanuşylary äleumettık paraqşalarynda tergeu aiaqtalmai jatyp, jazba jariialauda. Jurnalist Gülmira Äbıqai Facebook paraqşasynda "Beine kamera hronikasyn" jariialady:
"Q. Bişımbaev aǧasyna telefon soǧyp, tezırek meiramhanaǧa keluın ötıngen.
9:30 meiramhanaǧa kelgen aǧasy bırınşı VIP kabinada jaryq janyp tūrǧanyn köredı.
"Esıktı qaqtym, bıraq Bişımbaev körpe alyp keluımdı ötınıp, ışke kırgızbedı. Men aitqanyn ıstedım, kiım auystyratyn bölmege baryp, ekı körpe alyp, vip bölmege keldım. Sol jerde qimylsyz jatqan Saltanatty kördım, ol qatty qoryldap jatty, ūiyqtap jatyr dep oiladym. Sodan keiın men kıreberıste edende qan ızderın baiqadym".
Bişımbaev äieldı özı äkelgen ekı körpemen jauyp tastaǧan.
13:00 Bişımbaev telefon soǧyp, temekı, aspirin, ketonal äkeludı būiyrady. Zattardy alǧan ol meiramhanadan bükıl qyzmetkerlerdı bosatudy būiyrdy. Aǧasy būiryqty oryndap, keŋsege qaitady.
13: 30 Bişımbaev Gastrosentrdegı barlyq beinebaqylaulardy öşırudı būiyrady.
13:45-te beinenıŋ joiylǧanyna köz jetkızu üşın aǧasy basqaru bölmesıne tüsken.
Ol jedel järdem şaqyru kerek ekenın aitty, bıraq «ol ūiyqtap jatyr» degen jauap aldy. Būl 16.35 edı. 16:40 Bişımbaev ony kabinetıne qaita şaqyryp, äieldıŋ tamyr soǧysyn tekserudı sūraǧan.
Aǧasy tamyr soǧysyn teksergennen keiın ǧana Nükenovanyŋ ölgenın tüsınıp, telefonynan jedel järdem şaqyrǧan", - dep jazdy.
Al Kozachkov offside Telegram paraqşasynda būl ıske qatysty:
"Quandyq Bişımbaev pen Saltanat Nükenova konsert bıtken soŋ keşkısın «Bau» meiramhanasyna keldı. Taŋǧy 3-ke taiap qalǧanda mekeme jabylyp qaldy, sondyqtan qyzmetkerlerdıŋ bırı (bas buhgalter boluy mümkın) erlı-zaiyptylarǧa taksi şaqyrudy ūsyndy. Quandyq könbegen. Erlı-zaiyptylardyŋ arasynda osy uaqytty kışıgırım dau tudy. Bıraq olar tatulasqan. Olar osynda tünep, ışımdık ışken. Keiın taŋǧy as ışıp, Saltanat qaita ūiyqtauǧa ketken. Keiın Bişımbaev äielınıŋ densaulyǧyna alaŋdap, bır ınısıne jazyp därı-därmek sūraǧan.
Saltanatqa auyr jaǧdai bolyp jatqany belgılı bolǧan kezde mekeme qyzmetkerlerı jedel järdem şaqyryp, keiın polisiia şaqyrǧan. Aiyrmaşylyq jarty saǧatqa juyq. Ol būl uaqytta qaitys boldy", - degen aqparat taratylǧan.
Sondai-aq tergeu barysy Işkı ıster ministrlıgı basşylyǧynyŋ baqylauynda. Polisiia jalǧan aqparat taratqany üşın qylmystyq jauapkerşılık qarastyrylǧandyǧyn eske saldy.
Al 9 qaraşa künı köz jūmǧan marqūm Nükenovanyŋ denesı 11 qaraşada jer qoinyna tapsyryldy.
Ūqsas jaŋalyqtar
