Prezıdenttiń buıryǵymen Strategııalyq josparlaý jáne reformalar agenttigi tóraǵasynyń orynbasary qyzmetten shettetildi, dep habarlaıdy "Adyrna" ulttyq portaly.
Tıisti buıryq 30 sáýirde Aqorda saıtynda jarııalandy.
«Memleket basshysynyń ókimimen Árken Hamıtuly Ótenov Qazaqstan Respýblıkasynyń Strategııalyq josparlaý jáne reformalar agenttigi tóraǵasynyń orynbasary laýazymynan bosatyldy», - dep jazylǵan aqparatta.
Árken Hamıtuly Ótenov 1983 jyly 15 qarashada Almaty qalasynda týǵan. Ál- Farabı atyndaǵy Qazaq Ulttyq ýnıversıtetin, Karnegı Mellon ýnıversıtetin bitirgen. Ol «Bolashaq» baǵdarlamasynyń 2010 jylǵy túlegi. Halyqaralyq qatynastar mamany, ekonomıst, memlekettik saıasat salasyndaǵy ǵylym magıstri. Prezıdenttik jastar kadrlyq rezerviniń múshesi.
Eks-orynbasar 2006-2011 jyldary aralyǵynda eldiń bank salasynda qyzmet atqarǵan. Odan keıin Qazaqstan Respýblıkasy Prezıdenti Ákimshiliginde, Qarjy mınıstrliginiń Memlekettik kirister komıtetinde qyzmet atqarǵan. 2019 jylǵy tamyzdan jeltoqsanǵa deıin Qazaqstan Respýblıkasy Prezıdenti Ákimshiliginiń Syrtqy saıasat jáne halyqaralyq baılanystar bólimi meńgerýshisiniń orynbasary boldy. Al 2019 jylǵy jeltoqsannan bastap 2020 jylǵy qyrkúıekke deıin Qazaqstan Respýblıkasy Syrtqy ister mınıstrliginiń Jaýapty hatshysy.
2020 jylǵy qazannan bastap búginge deıin Qazaqstan Respýblıkasynyń Strategııalyq josparlaý jáne reformalar jónindegi agenttigi Tóraǵasynyń orynbasary qyzmetin atqardy.
