Qarjylyq monitoring agenttıgı Kairat Boranbaevtyŋ aǧasy, käsıpker Mūrat Boranbaevtyŋ ūstalǧanyn rastady, dep habarlaidy "Adyrna" ūlttyq portaly Tengrinews.kz-ke sılteme jasap.
Qarjylyq monitoring agenttıgı Mūrat Boranbaevty 2022 jyly ızdeuge jariialaǧan bolatyn. Ol Almatydaǧy aqyly avtotūraqtarǧa qatysty qylmystyq ıstıŋ ūiymdastyruşysy retınde ataldy. Memlekettık satyp alu saitynda 2017 jyly Mūrat Boranbaev «Alan Parking» JŞS-nıŋ basşysy retınde tırkelgenı turaly mälımet bolǧan.
2022 jylǧy säuırde osy kompaniianyŋ direktory Mūhtar Bazarbaevtyŋ ūstalǧany jariialandy, al köp ūzamai «Almaty spestehparking servis» JŞS direktory Marat Pırınbekov te qamauǧa alynǧan.
Ötken jyldyŋ jeltoqsanynda Kairat Boranbaevqa tiesılı RR2 kompaniiasy Alan Parking firmasynan 30 paiyzdyq ülestı satyp aldy. Būǧan deiın būl aqyly avtotūraqtar operatory memleket menşıgınde bolǧan. Keiın Almaty äkımdıgı «Almaty spestehparking servis» kompaniiasyndaǧy 70% jäne Alan Parking kompaniiasyndaǧy 100% ülestıŋ qala menşıgıne qaitarylǧanyn mälımdedı.
Ötken jyldyŋ küzıne deiın Mūrat Boranbaev halyqaralyq ızdeude bolǧan. Sol kezde Qarjylyq monitoring agenttıgı Ekonomikalyq tergeu qyzmetı asa ırı kölemde memleket qarjysyn jymqyru deregı boiynşa sotqa deiıngı tergep-tekseru jürgızıp jatqanyn habarlaǧan edı.
