Kaspi Bank-tıŋ Astanadaǧy bölımşesınıŋ bırın basyp alǧan qaruly er adam ūstaldy. Būl turaly IIM baspasöz qyzmetı mälımdedı, dep habarlaidy “Adyrna” ūlttyq portaly.
Mälımet boiynşa, tūtqynǧa alynǧan bank qyzmetkerlerınıŋ barlyǧy bosatyldy.
Kaspi bank ǧimaratynda küştık operasiia sättı jürgızıldı. Barlyq kepılge alynǧandar bosatyldy! Kepılge alynǧandar polisiia şturmynan keiın bosatyldy. Barlyq qyzmetkerler şyǧaryldy. Basyp aluşy qauıptı emes! Barlyǧyn därıgerler tekserdı. Kepılge alynǧandar da, basqynşy da zardap şekken joq. Basqynşymen kelıssözdı ışkı ıster ministrı M. Ahmetjanov jürgızdı. Ol sondai-aq küştık operasiiany basqardy, – delıngen IIM baspasöz habarlamasynda.«Kaspi Bank» AQ baspasöz qyzmetınıŋ mälımetınşe, qazır bölımşede tek bank qyzmetkerlerı ǧana, klientter joq.
Tärtıp saqşylary qyzmetkerlerdı qorqytqan er adammen kelıssöz jürgızıp jatyr. Polisiia men banktıŋ barlyq küşı eşkımnıŋ zardap şekpeuın qamtamasyz etuge baǧyttalǧan. Kez kelgen aqparatty taratuǧa jauapkerşılıkpen qarauǧa jäne qūqyq qorǧau organdarynyŋ jūmysyna kedergı keltırmeudı sūraimyz. Kez kelgen qate aqparat jaǧdaidyŋ şielenısuıne äkeluı mümkın, – delıngen habarlamada.Belgılı bolǧandai,basqynşy Jambyl oblysynda düniege kelgen 1993 jylǧy Älihan Mūradov atty er adam Ol Astananyŋ qaq ortasynda ornalasqan Kaspi bankınıŋ filialyna basyp kırgen. 7 adamdy qamauǧa alyp, banktegı barlyq qarajatty kedei-kepşık pen mügedekterge taratyp berudı talap etken. Atalǧan faktı boiynşa Qylmystyq kodekstıŋ 261-baby 2-bölıgınıŋ 4 jäne 8-tarmaqtary boiynşa (kepılge alu) sotqa deiıngı tergeu bastaldy. Keibır mälımetterge qaraǧanda, 2013 jyldan berı basqynşy narkologiialyq dispanserde esepte tūrady. Qylmystyq ıster boiynşa ekı ret sottalǧan. Eske salaiyq, būǧan deiın Astanada qarulanǧan er adam bankterdıŋ bırınde keluşılerdı kepıldıkke alǧanyn habarladyq. Ol 7 adamdy kepılge alyp, talaby oryndalmasa, üş saǧattan keiın bırınşısın öltıretının eskertken.
Ūqsas jaŋalyqtar
