Dúnıejúzilik densaýlyq saqtaý uıymynyń (DDSU) densaýlyq saqtaý mınıstrleri deńgeıinde ótken konferenııada koronavırýs pandemııasyna baılanysty jiti tergeý júrgizý jónindegi rezolıýııany qoldady. Bul týraly centralasian.org habarlady.
Rezolıýııa jobasyn 100 memlekettiń qoldaýymen Eýropalyq odaq usyndy. Olardyń ishinde Qytaı men Reseı de bar. Qujat daýys berýsiz qabyldandy. Eshbir memleket, onyń ishinde AQSh ta qarsy bolmady.
Qujatta koronavırýstyń keń taralýyna baılanysty halyqaralyq qaýymdastyqtyń úndeýin esep ala otyryp, jan-jaqty táýelsiz zertteý júrgizý kerektigi aıtylǵan. Biraq qujatta Qytaı jańa vırýstyń paıda bolǵan el retinde múldem aıtylmaǵan.
DDSU-nyń eki kúndik konferenııasynda uıymdy synaýshy AQSh prezıdenti Donald Tramp boldy. Vashıngton Beıjiń epıdemııanyń tez taralý deńgeıin qupııa ustady dep aıyptaıdy. Amerıka bıliginiń pikirinshe, DDSU Qytaı ýájine senip, orasan qaýip ákeletinine mán bermegen. Seısenbi kúni Tramp DDSU-ǵa qatelikterin túzetý úshin 30 táýlik ýaqyt berdi. Keri jaǵdaıda, AQSh uıymnan shyǵyp, qarjylandyrý múldem toqtatylýy múmkin dep eskertti.
AQSh bıligi koronavırýs Qytaıdyń Ýhan qalasyndaǵy Vırýsologııa ınstıtýtynan shyǵýy múmkin degen boljamdy alǵa tartady. Mundaı boljamǵa dálelderi bar ekenin AQSh prezıdentimen qosa, eldiń memlekettik hatshysy Maık Pompeo da málimdegen.
