Sybailas jemqorlyqqa qarsy ıs-qimyl agenttıgı «Şyǧys» öŋırlık qolbasşylyǧy äskerlerınıŋ būrynǧy komandirıne qatysty qylmystyq ıs tergelıp jatqanyn aitty. Būl turaly Antikordyŋ resmi ökılı Daniiar Biǧaidarov mälımdedı, dep habarlaidy “Adyrna”.
Onyŋ aituynşa, eks-komandir bır käsıpkerdıŋ senımıne kırıp, onyŋ qarajatyn iemdengen degen küdıkke ılıngen.
«Būrynǧy komandir käsıpkerdıŋ senımın terıs paidalanyp, joǧary äskeri şennıŋ bedelın alǧa tarta otyryp, asa ırı kölemdegı qarajatty iemdendı degen küdıkke ılındı. Ol būl äreketın Qazaqstan aumaǧynda jüzege asyrylatyn äleumettık jobalarǧa investisiia tartu arqyly joǧary tabys äkeletın ūsynys retınde körsetken. Jobalarǧa ministrlık pen şeteldık serıktesterdıŋ qoldauy bar degen jeleu aitqan», — dedı Biǧaidarov.
Sot sanksiiasymen küdıktı qamauǧa alyndy. Onyŋ osyndai özge de qylmystarǧa qatysy bar-joǧy tekserılıp jatyr.
