قارجىلىق مونيتورينگ اگەنتتىگى كايرات بورانباەۆتىڭ اعاسى، كاسىپكەر مۇرات بورانباەۆتىڭ ۇستالعانىن راستادى، دەپ حابارلايدى "ادىرنا" ۇلتتىق پورتالى Tengrinews.kz-كە سىلتەمە جاساپ.
قارجىلىق مونيتورينگ اگەنتتىگى مۇرات بورانباەۆتى 2022 جىلى ىزدەۋگە جاريالاعان بولاتىن. ول الماتىداعى اقىلى اۆتوتۇراقتارعا قاتىستى قىلمىستىق ءىستىڭ ۇيىمداستىرۋشىسى رەتىندە اتالدى. مەملەكەتتىك ساتىپ الۋ سايتىندا 2017 جىلى مۇرات بورانباەۆ «Alan Parking» جشس-ءنىڭ باسشىسى رەتىندە تىركەلگەنى تۋرالى مالىمەت بولعان.
2022 جىلعى ساۋىردە وسى كومپانيانىڭ ديرەكتورى مۇحتار بازارباەۆتىڭ ۇستالعانى جاريالاندى، ال كوپ ۇزاماي «الماتى سپەتستەحپاركينگ سەرۆيس» جشس ديرەكتورى مارات پىرىنبەكوۆ تە قاماۋعا الىنعان.
وتكەن جىلدىڭ جەلتوقسانىندا كايرات بورانباەۆقا تيەسىلى RR2 كومپانياسى Alan Parking فيرماسىنان 30 پايىزدىق ۇلەستى ساتىپ الدى. بۇعان دەيىن بۇل اقىلى اۆتوتۇراقتار وپەراتورى مەملەكەت مەنشىگىندە بولعان. كەيىن الماتى اكىمدىگى «الماتى سپەتستەحپاركينگ سەرۆيس» كومپانياسىنداعى 70% جانە Alan Parking كومپانياسىنداعى 100% ۇلەستىڭ قالا مەنشىگىنە قايتارىلعانىن مالىمدەدى.
وتكەن جىلدىڭ كۇزىنە دەيىن مۇرات بورانباەۆ حالىقارالىق ىزدەۋدە بولعان. سول كەزدە قارجىلىق مونيتورينگ اگەنتتىگى ەكونوميكالىق تەرگەۋ قىزمەتى اسا ءىرى كولەمدە مەملەكەت قارجىسىن جىمقىرۋ دەرەگى بويىنشا سوتقا دەيىنگى تەرگەپ-تەكسەرۋ جۇرگىزىپ جاتقانىن حابارلاعان ەدى.
