Almatyda äleumettık jelıde jarylys jasaimyn dep qorqytqan er adam ūstaldy. Būl turaly Polisia.kz jazdy, dep habarlaidy "Adyrna".
Äleumettık jelıdegı dıni bırlestıkterdıŋ qyzmetıne qatysty jariialanym astyna belgısız qoldanuşy jarylys jasau turaly qorqytu sipatyndaǧy pıkır qaldyrǧan. Atalǧan derek boiynşa "102" pultıne habarlama tüsıp, Almaty qalasy polisiia departamentınıŋ ekstremizmge qarsy küres basqarmasy jedel şara qoldandy.
"Jedel-ızdestıru ıs-şaralarynyŋ nätijesınde pıkır avtorynyŋ jeke basy anyqtaldy. Ol – 1 jastaǧy Almaty qalasynyŋ tūrǧyny bolyp şyqty. Er adam ūstalyp, polisiia bölımşesıne jetkızıldı. İnternetke jazylǧan bolsa da, kez kelgen qorqytu polisiia tarapynan qoǧamdyq qauıpsızdıkke naqty qater retınde qaralady. Mūndai "äzılderdıŋ" saldary auyr boluy mümkın. Ärbır habarlama mūqiiat tekserılıp, kınälıler zaŋ aiasynda jauapqa tartylady", – dedı Almaty qalasy PD ekstremizmge qarsy küres basqarmasynyŋ bastyǧy Ashat Däuletiiarov.
Almaty polisiiasy azamattardy äleumettık jelılerdı qoldanuda jauapkerşılık tanytuǧa, qorqytu nemese qūqyqqa qaişy mazmūndaǧy aqparattardy jariialamauǧa jäne taratpauǧa şaqyrady.
