Ulttyq qaýipsizdik komıteti 295 konteıner esirtkini jutyp qoıǵan "jutqyshtar" dep atalatyn Qazaqstanǵa esirtki jetkizý kontrabandalyq arnasynyń jolyn kesti, dep habarlaıdy “Adyrna” ulttyq portaly.
Aqparatqa sáıkes, 24 qańtarda UQK Aqtaý qalasynyń halyqaralyq áýejaıynda UQK Mańǵystaý oblysy boıynsha departamentiniń jedel qyzmetkerleri men shekarashylar esirtki tasymaldady degen kúdikpen eki sheteldik azamatty ustaǵan.
“Jolaýshylardyń ish qýysyna rentgenoskopııalyq zertteý bógde zattardyń bar ekenin kórsetti. Arnaıy medıınalyq tásildermen sheteldikterdiń asqazandarynan apıyn tobynyń esirtkisinen turatyn 295 konteıner shyǵaryldy. Alynǵan zattardyń jalpy salmaǵy 2 kg-dy qurady”, – delingen málimette.
Sot sheshimimen fıgýranttarǵa qamaýda ustaý túrindegi bultartpaý sharasy tańdalǵany aıtylady.
“Qylmystyq kodekstiń 286-baby 4-bóligi boıynsha sotqa deıingi tergep-tekserý júrgizilýde”, – dep qosty UQK.
