«Altyn Ordanyń» quryltaıshylar quramynda ekonomıkalyq tergeý departamentiniń eks qyzmetkeri bar

634

Almatydaǵy atyshýly «Altyn Orda» bazarynyń tóńiregindegi daý basylmaı tur. Kerisinshe órship barady. Qyzyǵy, bul bazardyń quryltaıshylar quramynda ekonomıkalyq tergeý departamentiniń eks qyzmetkeri de bar eken.

Kórshi elderden kelgen belgisiz toptar bazardy ózdiginshe bólip alyp, bıligin júrgizip jatyr. Osyǵan oraı dabyl qaǵyp, elordada baspasóz máslıhatyn ótkizgen zańger Dáýren Ǵabdýl mundaǵy únemi jazasyz qalatyn urlyq-qarlyq pen qoldan jasalǵan qymbatshylyqqa osy toptardyń qatysy bar deıdi.

Shaǵymdanǵan saýdagerler «Altyn ordanyń» qazirgi qojaıyny tıisti jumystardy júrgize almaı jatqanyn aqparat quraldaryna jetkizgen. Al zańger kompanııada 95 paıyz úlesi bar astanadaǵy ekonomıkalyq tergeý departamentiniń burynǵy qyzmetkeri Hamzınniń quryltaıshylar quramyna qalaı kirgeni belgisiz dep otyr.

Bul zańsyzdyqtarǵa bazardyń qazirgi ıeleri jaýap berip, tártip ornatýǵa mindetti ekenin qadap aıtty.

«Bul – iri logıstıkalyq torap. Almaty qalasy men oblysyn qamtamasyz etip otyrǵan saýda orny. Bul kem degende 3 mıllıon adam. Bul – startegııalyq nysan. Eger ol jerdiń jumysynda aqaý bolsa, bul árqaısymyzdyń ústelimizdegi nanymyzǵa, jep otyrǵan etimizge deıin áser etedi. Sondyqtan «Altyn ordanyń» taǵdyry árqaısymyzdy alańdatýy kerek», – deıdi zańger Dáýren Ǵabdýl.

Aıta ketý kerek, osydan 3 aı buryn kelgen jańa qojaıyn bazardyń ortadaǵy adamdardyń qatysýymen kóteriletin baǵalarǵa qatysty bylyqtaryn joıýǵa ýáde etken.

«Altyn ordanyń» burynǵy quryltaıshylarynyń ústinen «2017 jyly bazardy reıderlik jolmen tartyp aldy» degen aryz túsken bolatyn. Zańger Dáýren Ǵabdýldyń aıtýynsha, qazir saýda orynnyń eks-basshylary bazardy qaıtaryp alýǵa kúsh salyp jatqanyn jetkizdi.

«Bazardyń basshylyǵy aýysyp, bári ózgeredi, jalǵa alýshylar jaqsy ómir súre bastaıdy, taýarlardyń baǵasy túsedi dep oıladyq. Sáýir aıynan beri «Altyn ordada» baǵa tómendedi me? Biz tártipti qoǵam arqyly ornatýymyz qajet. Sebebi, basshylyqtyń aýysqanynyń ózi kúdik uıalatady», – deıdi zańger.

Pikirler
Redakııa tańdaýy