Naýryz - Ulystyń uly kúni. Bul kúni kún men tún teńeledi. Jan-janýar túleıdi, Jer-Ana jasaryp, tabıǵat jańarady. Adamzattyń boıynda qan júgirip, tal-terekter búrshik jarady. Qazaqtyń saıyn dalasyn Qyzyr baba kezip, adam balasyna qut-bereke, baq-dáýlet syılaıdy. Samarqannyń kók tasy erip, qasıetti qara jer, qara topyraq býsanady. Uly dalanyń tósinde qyzǵaldaqtar qulpyra ósip, bel-belesterge qyzyldy-jasyldy kilem tóseledi. Ulan-baıtaq Qazaqstannyń halqy jeti túrli dámnen naýryz kóje jasap, ulttyq salt-dástúr, ádet-ǵuryptardy saqtap, aı boıy Ulystyń Uly kúnin toılaıdy. Búkil Shyǵys halqyna ortaq bul meıramda arazdasqandar tatýlasyp, dúıim halyq, muqym el aýyzbirshilikte bolady.
Ulttyq dástúr jyldan-jylǵa jalǵasyn taýyp keledi. Qazaqstan ınjenerlik-tehnologııalyq ýnıversıtetinde arnaıy «Qosh keldiń, áz-Naýryz» atty merekelik is-shara uıymdastyryldy. Meıram konerttik qoıylymmen bastalyp, Naýryz – Sáýir – Mamyr aılary jurtqa degen izgi tilekterin bildirdi. Ulystyń uly kúni Qyzyr Ata kelip, elge aq batasyn berdi. As tóresi naýryz kóje taratylyp, ónerli qonaqtarymyz oqý ordasyn ánge bóledi. Dástúrli ánshi Bek Nurıddın – Aqan seriniń áni «Balqadısha» men Moldabaıdyń ánin oryndap dúıim jurtty ónerimen tántti etti.
«Hanshaıym» bı toby - Qazaq bıin bılep keshtiń kórkin keltirdi. Merekelik sharalar barysynda kúı tartys uıymdastyrylyp, tusaý kesý jáne basqa da rásimder ótti. Qol kúresi, arqan tartý syndy ulttyq oıyndar oınatylyp, segiz qyrly, bir syrly jastar «Qara jorǵa» bıimen kópshiliktiń kóńilin kóterdi. Stýdent jastar altybaqanda terbelip, qyzyqty dýman boldy.QazITÝ Ǵylymı Kitaphana meńgerýshisi – Zaǵı Sádýaqasqyzy “Dúnıe-aı” ánin shyrqasa, arnaıy kelgen ánshi qonaǵymyz Araılym Ibraeva «Naýryz-Dýman» án-shashýyn qonaqtarǵa tartý etti. Altyn kúnnen nur, jerge altyn dán sebiletin shaqta kún shýaqty bolyp, el qýanyshqa kenelip, Naýryz merekesi naǵyz toıǵa aınaldy.
Qazaqstan ınjenerlik-tehnologııalyq ýnıversıtetindegi naýryz kesh barysynda Aıkórkem esimdi búldirshinniń tusaýyn kesý qurmeti til janashyry, qoǵam qaıratkeri - Asyly Osman apamyzǵa berildi. Tusaýy kesilgen baldyrǵandy QazITÝ rektory Gúlnar Sársenbekova men «Mıkrobıologııa jáne vırýsologııa ǵylymı-óndiristik ortalyǵynyń» bas dırektory, akademık Amankeldy Sadanov alǵa jetektep, bolashaqqa qadam attatty. Kishkentaı Araılymnyń aldyna yrymdap qoıylǵan zattardyń ishinen kitapty tańdaǵany otbasyn erekshe qýantty.Sonymen qatar, dombyramen kúı tartylyp, jyly tilek-lebizder aıtylyp, aqsaqaldar aq batasyn berdi.
QazITÝ basshylyǵy, oqytýshy-professorlar quramy, kolledj ujymy, stýdentter men ǵalymdardyń naýryz dýman toıyna jan-jaqtan qonaqtar kelip, jyly lebizderimen bólisti. QazITÝ aýylynda uıymdastyrylǵan uly merekeni, erekshe qýanyshty bólisýge kelgen syıly qonaqtar: QR Parlament Senatynyń depýtaty, Ulttyq ınjenerlik akademııasynyń Prezıdenti, akademık - Jumaǵýlov Baqytjan Tursynuly; QazITÝ Prezıdenti - Jumaǵýlov Rýslan Baqytjanuly; "Mıkrobıologııa jáne vırýsologııa ǵylymı-óndiristik ortalyǵynyń" bas dırektory, akademık - Sadanov Amankeldy Kurbanuly; Sadanov Amankeldy Qurbanulynyń jary - Roza Kartbaıqyzy; Til janashyry, qoǵam qaıratkeri - Asyly Osman; Almaty qalasy ardagerler keńesiniń múshesi - Hamıt Birjanov; "Qazaq jemis-kókónis sharýashylyǵy ǵylymı-zertteý ınstıtýty" basqarmasynyń tóraǵasy - Aıtbaev Temirjan Erkasymuly; "Qazaq tamaq jáne qaıta óńdeý ónerkásibi ǵylymı-zertteý ınstıtýty" basqarmasynyń tóraǵasy - Mýslımov Nýrjan Jýmartovıch; "Qazaqstan tamaq kásiporyndary odaǵynyń" dırektory - Sabralıeva Marına Dýısengalıevna; "Qazaq jemis-kókónis sharýashylyǵy ǵylymı-zertteý ınstıtýty" tóraǵasynyń ǵylym jónindegi orynbasary - Qazybaeva Sáýle Jambylqyzy; Almaty qalasy Bilim Basqarmasy Tehnıkalyq jáne kásiptik bilim berý bóliminiń bastyǵy - Abıshev Erık Myrzagalıevıch; Ýrazaeva Marına Vladımırovna - "Qazaq jemis-kókónis sharýashylyǵy ǵylymı-zertteý ınstıtýtynyń "pıtomnık sharýashylyǵy" laborotorııasynyń meńgerýshisi; "Qazaq jemis-kókónis sharýashylyǵy ǵylymı-zertteý ınstıtýtynyń" bas býhgalteri - Týrganbaeva Asel Satylganovna; Almaty qalasy Bilim Basqarmasy Tehnıkalyq jáne kásiptik bilim berý bóliminiń bas mamany - Izbaeva Ýmıt Jıenbaevna;
Ulyq mereke zamanaýı qazaq qoǵamyna erkin boılap, qoǵamdaǵy dostyq pen yntymaqtyń sımvolyna aınaldy. Qazaqstanda ómir súrip jatqan júzden asa ózge ult ókilderi Ulystyń uly kúnin qadir tutyp, jalpyhalyqtyq sıpatta toılap keledi. Kópultty memleketimizdegi dostyqtyń kúsheıip, ulttyq biregeıligimizdi saqtap, beıbitshilik pen birliktiń, dostyqtyń jarqyn úlgisin kórsetken meıram.
"Adyrna" ulttyq portaly
