قازاقستان ينجەنەرلىك-تەحنولوگيالىق ۋنيۆەرسيتەتىندە «قوش كەلدىڭ، ءاز-ناۋرىز» مەيرامى سالتاناتتى تۇردە اتالىپ ءوتتى

3679
Adyrna.kz Telegram

ناۋرىز - ۇلىستىڭ ۇلى كۇنi. بۇل كۇنi كۇن مەن ءتۇن تەڭەلەدi. جان-جانۋار تۇلەيدi, جەر-انا جاسارىپ، تابيعات جاڭارادى. ادامزاتتىڭ بويىندا قان جۇگiرiپ، تال-تەرەكتەر بۇرشiك جارادى. قازاقتىڭ سايىن دالاسىن قىزىر بابا كەزiپ، ادام بالاسىنا قۇت-بەرەكە، باق-داۋلەت سىيلايدى. سامارقاننىڭ كوك تاسى ەرiپ، قاسيەتتi قارا جەر، قارا توپىراق بۋسانادى. ۇلى دالانىڭ توسiندە قىزعالداقتار قۇلپىرا ءوسiپ، بەل-بەلەستەرگە قىزىلدى-جاسىلدى كiلەم توسەلەدi. ۇلان-بايتاق قازاقستاننىڭ حالقى جەتi ءتۇرلi دامنەن ناۋرىز كوجە جاساپ، ۇلتتىق سالت-ءداستۇر، ادەت-عۇرىپتاردى ساقتاپ، اي بويى ۇلىستىڭ ۇلى كۇنiن تويلايدى. بۇكiل شىعىس حالقىنا ورتاق بۇل مەيرامدا ارازداسقاندار تاتۋلاسىپ، ءدۇيiم حالىق، مۇقىم ەل اۋىزبiرشiلiكتە بولادى.

ۇلتتىق ءداستۇر جىلدان-جىلعا جالعاسىن تاۋىپ كەلەدى. قازاقستان ينجەنەرلىك-تەحنولوگيالىق ۋنيۆەرسيتەتىندە ارنايى «قوش كەلدىڭ، ءاز-ناۋرىز» اتتى مەرەكەلىك ءىس-شارا ۇيىمداستىرىلدى. مەيرام كونتسەرتتىك قويىلىممەن باستالىپ، ناۋرىز – ءساۋىر – مامىر ايلارى جۇرتقا دەگەن ىزگى تىلەكتەرىن ءبىلدىردى. ۇلىستىڭ ۇلى كۇنى قىزىر اتا كەلىپ، ەلگە اق باتاسىن بەردى. اس تورەسى ناۋرىز كوجە تاراتىلىپ، ونەرلى قوناقتارىمىز وقۋ ورداسىن انگە بولەدى. ءداستۇرلى ءانشى بەك نۇريددين – اقان سەرىنىڭ ءانى «بالقاديشا» مەن مولدابايدىڭ ءانىن ورىنداپ ءدۇيىم جۇرتتى ونەرىمەن ءتانتتى ەتتى.

«حانشايىم» بي توبى - قازاق ءبيىن بيلەپ كەشتىڭ كوركىن كەلتىردى. مەرەكەلىك شارالار بارىسىندا كۇي تارتىس ۇيىمداستىرىلىپ، تۇساۋ كەسۋ جانە باسقا دا راسىمدەر ءوتتى. قول كۇرەسى، ارقان تارتۋ سىندى ۇلتتىق ويىندار ويناتىلىپ، سەگىز قىرلى، ءبىر سىرلى جاستار «قارا جورعا» بيىمەن كوپشىلىكتىڭ كوڭىلىن كوتەردى. ستۋدەنت جاستار التىباقاندا تەربەلىپ، قىزىقتى دۋمان بولدى.قازيتۋ عىلىمي كىتاپحانا مەڭگەرۋشىسى – زاعي سادۋاقاسقىزى “دۇنيە-اي” ءانىن شىرقاسا، ارنايى كەلگەن ءانشى قوناعىمىز ارايلىم يبراەۆا «ناۋرىز-دۋمان» ءان-شاشۋىن قوناقتارعا تارتۋ ەتتى. التىن كۇننەن نۇر، جەرگە التىن ءدان سەبىلەتىن شاقتا كۇن شۋاقتى بولىپ، ەل قۋانىشقا كەنەلىپ، ناۋرىز مەرەكەسى ناعىز تويعا اينالدى.

قازاقستان ينجەنەرلىك-تەحنولوگيالىق ۋنيۆەرسيتەتىندەگى ناۋرىز كەش بارىسىندا ايكوركەم ەسىمدى ءبۇلدىرشىننىڭ تۇساۋىن كەسۋ قۇرمەتى ءتىل جاناشىرى، قوعام قايراتكەرى - اسىلى وسمان اپامىزعا بەرىلدى. تۇساۋى كەسىلگەن بالدىرعاندى قازيتۋ رەكتورى گۇلنار سارسەنبەكوۆا مەن «ميكروبيولوگيا جانە ۆيرۋسولوگيا عىلىمي-وندىرىستىك ورتالىعىنىڭ» باس ديرەكتورى، اكادەميك امانكەلدى سادانوۆ العا جەتەكتەپ، بولاشاققا قادام اتتاتتى. كىشكەنتاي ارايلىمنىڭ الدىنا ىرىمداپ قويىلعان زاتتاردىڭ ىشىنەن كىتاپتى تاڭداعانى وتباسىن ەرەكشە قۋانتتى.سونىمەن قاتار، دومبىرامەن كۇي تارتىلىپ، جىلى تىلەك-لەبىزدەر ايتىلىپ، اقساقالدار اق باتاسىن بەردى.

قازيتۋ باسشىلىعى، وقىتۋشى-پروفەسسورلار قۇرامى، كوللەدج ۇجىمى، ستۋدەنتتەر مەن عالىمداردىڭ ناۋرىز دۋمان تويىنا جان-جاقتان قوناقتار كەلىپ، جىلى لەبىزدەرىمەن ءبولىستى. قازيتۋ اۋىلىندا ۇيىمداستىرىلعان ۇلى مەرەكەنى، ەرەكشە قۋانىشتى بولىسۋگە كەلگەن سىيلى قوناقتار: قر پارلامەنت سەناتىنىڭ دەپۋتاتى، ۇلتتىق ينجەنەرلىك اكادەمياسىنىڭ پرەزيدەنتى، اكادەميك - جۇماعۋلوۆ باقىتجان تۇرسىنۇلى; قازيتۋ پرەزيدەنتى - جۇماعۋلوۆ رۋسلان باقىتجانۇلى; "ميكروبيولوگيا جانە ۆيرۋسولوگيا عىلىمي-وندىرىستىك ورتالىعىنىڭ" باس ديرەكتورى، اكادەميك - سادانوۆ امانكەلدى كۇربانۇلى; سادانوۆ امانكەلدى قۇربانۇلىنىڭ جارى - روزا كارتبايقىزى; ءتىل جاناشىرى، قوعام قايراتكەرى - اسىلى وسمان; الماتى قالاسى ارداگەرلەر كەڭەسىنىڭ مۇشەسى - حاميت ءبىرجانوۆ; "قازاق جەمىس-كوكونىس شارۋاشىلىعى عىلىمي-زەرتتەۋ ينستيتۋتى" باسقارماسىنىڭ توراعاسى - ايتباەۆ تەمىرجان ەركاسىمۇلى; "قازاق تاماق جانە قايتا وڭدەۋ ونەركاسىبى عىلىمي-زەرتتەۋ ينستيتۋتى" باسقارماسىنىڭ توراعاسى - مۋسليموۆ نۋرجان جۋمارتوۆيچ; "قازاقستان تاماق كاسىپورىندارى وداعىنىڭ" ديرەكتورى - سابراليەۆا مارينا دۋيسەنگاليەۆنا; "قازاق جەمىس-كوكونىس شارۋاشىلىعى عىلىمي-زەرتتەۋ ينستيتۋتى" توراعاسىنىڭ عىلىم جونىندەگى ورىنباسارى - قازىباەۆا ساۋلە جامبىلقىزى; الماتى قالاسى ءبىلىم باسقارماسى تەحنيكالىق جانە كاسىپتىك ءبىلىم بەرۋ ءبولىمىنىڭ باستىعى - ابيشەۆ ەريك مىرزاگاليەۆيچ; ۋرازاەۆا مارينا ۆلاديميروۆنا - "قازاق جەمىس-كوكونىس شارۋاشىلىعى عىلىمي-زەرتتەۋ ينستيتۋتىنىڭ "پيتومنيك شارۋاشىلىعى" لابوروتورياسىنىڭ مەڭگەرۋشىسى; "قازاق جەمىس-كوكونىس شارۋاشىلىعى عىلىمي-زەرتتەۋ ينستيتۋتىنىڭ" باس بۋحگالتەرى - تۋرگانباەۆا اسەل ساتىلگانوۆنا; الماتى قالاسى ءبىلىم باسقارماسى تەحنيكالىق جانە كاسىپتىك ءبىلىم بەرۋ ءبولىمىنىڭ باس مامانى - يزباەۆا ۋميت جيەنباەۆنا;

ۇلىق مەرەكە زاماناۋي قازاق قوعامىنا ەركىن بويلاپ، قوعامداعى دوستىق پەن ىنتىماقتىڭ سيمۆولىنا اينالدى. قازاقستاندا ءومىر ءسۇرىپ جاتقان جۇزدەن اسا وزگە ۇلت وكىلدەرى ۇلىستىڭ ۇلى كۇنىن قادىر تۇتىپ، جالپىحالىقتىق سيپاتتا تويلاپ كەلەدى. كوپۇلتتى مەملەكەتىمىزدەگى دوستىقتىڭ كۇشەيىپ، ۇلتتىق بىرەگەيلىگىمىزدى ساقتاپ، بەيبىتشىلىك پەن بىرلىكتىڭ، دوستىقتىڭ جارقىن ۇلگىسىن كورسەتكەن مەيرام.

"ادىرنا" ۇلتتىق پورتالى

پىكىرلەر