Zaŋger Älıbek Almabaev esımdı azamat özınıŋ Facebook paraqşasyna Memleket basşysy Qasym-Jomart Toqaevqa beineündeu jariialady, dep habarlaidy “Adyrna” ūlttyq portaly.
Zaŋger videoda Prezidentke Aqmola oblysyna qarasty Aqşaly audany Jıbek joly auylynyŋ jaǧdai mäz emes ekenın jäne bölıngen qarajat tiımdı qoldanylmaitynyn aitqan.
Ärı qarai beineündeudıŋ tolyq mätının ūsynamyz:PREZİDENT MYRZA!
Sız «Qasırettı qaŋtar» oqiǧasynan keiın Qazaqstan halqyna «Jaŋa Qazaqstan» qūramyz dep jariialap, keibır jemqor lauazymdy qyzmetkerlerdı qamauǧa alǧanda, qarapaiym halyqtyŋ köŋılıne quanyş ūialap, zaman tüzeletın boldy dep quanǧan edık.
Alaida sol uaqyttan berı üş aidan astam uaqyt öttı, bız qarapaiym halyq eşteŋenıŋ özgermegenıne jäne özgermeitınıne köz jetkızdık.
Sebebı bügıngı uaqytta bız qūqyqtyq, zaiyrly jäne demokratiialyq memleket bolsa da, halqynyŋ zaŋ aiasyndaǧy beibıt äreketterı tozaqqa ainalǧan, el basyna zobalaŋ tuǧan zamanda ömır sürudemız.
Qazaqstan Respublikasy Konstitusiiasynyŋ 40-babynyŋ 2-tarmaǧyndaǧy normaǧa säikes Prezident - halyq pen memlekettık bilık bırlıgınıŋ, Konstitusiianyŋ myzǧymastyǧynyŋ, adam jäne azamat qūqyqtary men bostandyqtarynyŋ nyşany ärı kepılı.
Ata zaŋymyzdyŋ 3-şı babynyŋ 1-tarmaǧynda memlekettık bilıktıŋ bırden-bır bastauy – HALYQ, dep naqty körsetılgen.
Al şyndyǧynda bız osy normalardyŋ 100%kereǧarlyǧynyŋ kuägerımız. Bızdıŋ būl tūjyrym kelesı uäjdermen däiekteledı.
Aqmola oblysyna qarasty Arşaly audany Jıbek Joly auyly Elordamyz Astanadan 12 şaqyrym qaşyqtyqta ornalasqan, resmi türde 10 500, beiresmi türde 24 000 tūrǧyny bar auyl. Osy auyldyŋ körkeiıp, infraqūrylymynyŋ damuyna biudjetten jyl saiyn milliardtaǧan qarjy bölınedı. Alaida tūrǧyndarǧa tüsınıksız jolmen sol milliardtaǧan biudjet qarjysy saǧym qūsap joǧalyp ketedı. Nätijesınde bızdıŋ auylda svet, jol jäne auyz suy müldem joq. Basqadai äleumettık nysandar turaly aitpasaq ta bolady. Ol nysandar bız üşın qol jetpes arman.
Jergılıktı bilık ökılderınıŋ jyldan jylǧa qylmystyq äreketsızdıgıne şydamaǧan auyl belsendılerı arnaiy Qoǧamdyq keŋes qūryp, osy atalǧan äleumettık mäselelerdıŋ şeşu joldarymen käsıbi türde ainalystyq. Ainalysu barysynda bız mynany anyqtadyq:
- 03.10.2018 jyly auylda su qūbyrlaryn tartu üşın №64 kelısım şart jasalǧan. Merdıger «Kombi-stroi-1» JŞS. Şarttyŋ qūny 568 759 500 tenge. Aiaqtalu merzımı 30.10.2019 jyl.
- 24.10.2018 jyly elektr jelılerın tartu üşın №67 kelısım şart jasalǧan. Merdıger «Dorstroitrest» JŞS. Şarttyŋ qūny 1 038 128 000 tenge. Aiaqtalu merzımı 30.10.2018 jyl.
- 12.12.2018 jyly köşe joldaryn salu üşın №77 kelısım şart jasalǧan. Merdıger «MSK» JŞS. Şarttyŋ qūny 2 257 920 000 tenge. Aiaqtalu merzımı 01.11.2019 jyl.
Bır qaraǧanda, bızdıŋ auylda auyz suy, elektr jaryǧy jäne joldardyŋ bolmauy mümkın emes. Sebebı bızde osy infraqūrylymdy zaman talabyna säikesteu üşın qajettı qūramnyŋ bärı bar. JSQ (PSD), saraptama qorytyndysy, merdıger, teh nadzor, biudjettık qarajat jäne jūmystyŋ kölemı. Iаǧni bärı, bärı, bärı bar. Būǧan qosa osy kelısım-şarttardyŋ eŋ az degende törtten, eŋ köbı onnan artyq, jūmysty aiaqtau merzımın ūzartuǧa qatysty negızsız jasalǧan qosymşa kelısımderı bar.Nätijesınde qarajat joq, su joq, jaryq joq, jol joq. Jaǧdaidyŋ nege osyndai küige jetkenıne eşkım jauap bere almaidy. Būl atalǧan qūqyq būzuşylyqtar boiynşa eşkım jauapkerşılıkke tartylmaidy. Būdan basqa elektr podstansiiasyna qatysty qylmystyq äreketsızdık pen jauapkerşılıksızdık, auyldyŋ örkendeuın qoiyp, onyŋ el qatarly tırşılıkte boluyna orasan zor qauıp töndırude.
Alaida bızdıŋ auyldyŋ problemalyq mäselelerı mūnymen şektelmeidı. Auylda internet müldem joq. Avtobus aialdamalary joq. Avtobus marşruttary jetkılıksız, al barynyŋ qatynasy auyl tūrǧyndaryn müldem qanaǧattandyrmaidy. Auyldaǧy jalǧyz mektepte qys uaqytynda oqu tıptı mümkın emes. Suyqtan keibır oquşylar astyna da jıberıp qoiǧan kezderı jiı bolady. Al salynyp jatqan mekteptıŋ qūrylysy onda oqityn oquşylar men ūstazdardyŋ ömırı men densaulyǧyna tıkelei qauıp töndıredı.
Endı osy mäselelerdı şeşudı talap etken Qoǧamdyq keŋestıŋ müşelerı bügınde quǧynǧa ūşyraudamyz. Sondaǧy bızdıŋ bar kınämız oblys äkımı E.B. Marjyqpaev myrzany halyq aldyna kelıp, uşyqqan jaǧdaidyŋ şynaiy körınısın aityp, onyŋ şeşu joldaryn aitsyn, äreketsızdıkterdı boldyrǧan şendı qyzmetkerlerdı jauapkerşılıkke tartsyn dep talap qoiǧanymyz. Oblys äkımı halyqtyŋ aldyna keluden üzıldı-kesıldı bas tartu nätijesınde auyl tūrǧyndary 21.04.2022 j. beibıt şeruge şyǧuǧa şeşım qabyldady. Sondyqtan bız är yqşam audannan qūrylǧan belsendıler (jetı adam) qol qoiyp, äkımdıkke habarlama joldadyq. Üş täulıkten keiın tek qana menıŋ atyma räsımdelgen beibıt jinalysqa rūqsat bermeu turaly qauly şyqty. Al qalǧan alty belsendıge resmi rūqsat berılgen joq, şekteu qoiylǧan joq. Al qoldanystaǧy zaŋnyŋ 11-babyndaǧy talapqa säikes, habarlamaǧa jauap bermeu - rūqsat etıldı degen ūǧymdy bıldıredı. Iаǧni habarlamaǧa menen basqa qol qoiǧan alty adamǧa rūqsat berıldı degen söz.
Men 21.04.2022 jyly köşege şyqpadym, künı boiyüide boldym. Al qalǧan belsendılerdı üilerıne audan prokurory men polisiia basqarmasy bastyǧy baryp, alaŋǧa şyqsaŋdar jauapkerşılıkke tartamyz, qylmystyq ıs qozǧaimyz dep, qorqytyp ketken. Al alaŋǧa emes maşinamen köşede ketıp bara jatqan belsendını küştep toqtatyp, qaruly küş qoldanu arqyly otyrǧan kölıgınen suyryp şyǧaryp, polisiia bölımıne aparyp, ıstemegen ıstı ıstedı dep, jala jauyp, hattama toltyryp, Äkımşılık kodekstıŋ 488-bab 7-tarmaǧymen aiyptap, 153 150 tenge aiyppūl salǧan. Al menı 12 patruldık avtokölıkpen üiımdı qorşap, ekı kün boiy mäjbürlı üiqamaqta ūstady. Söitıp, şyndyq ızdep şyryldaǧanymyz üşın aldymyz jazalanyp, qamalyp, qalǧanymyz quǧynǧa tüstık.
Prezident myrza! Sız özıŋızdıŋ 2019 jylǧy 2-qyrküiektegı halyqqa ündeuıŋızde, «Halyq ünıne qūlaq asatyn memleket» tūjyrymdamasyn jariialadyŋyz. Sodan berı 2 jyldan asty. Alaida būl tūjyrymdamanyŋ ıske asqanyn halyq älı körmei kelemız.
Bız joǧaryda atalǧan problemalardyŋ barlyǧyn tızbektep, jüzge jeterlık qol qoiǧan hatymyzdy Sızge deiıngı satylarǧa jäne Sızdıŋ özıŋızge arnap 4 ret joldadyq. Bızdıŋ barlyq aryzymyz kaskadtyq tärtıppen sol äreketsızdıgıne şaǧym keltırıp otyrǧan Aqmola oblysy men Arşaly audanynyŋ äkımderınıŋ özıne kelıp tüsedı. Olar ärine bärı tamaşa dep jauap beredı. Al Sızdıŋ kömekşılerıŋız sol jauaptardyŋ astyna öz qoldaryn qoiyp bızge kerı joldaidy. Prezident äkımşılıgıne qabyldauǧa bırneşe märte baryp, qabyldauǧa kıre almai qaittyq. Nätijesınde bız būqara halyq aqymaq bolyp qala beremız.
Prezident myrza! Bız bügınde täuelsız memleketımızdıŋ sybailastyqpen budandasqan bilıgınıŋ täumendı halqyna ainaldyq. Bız öz memleketımızdı qūqyqtyq, zaiyrly jäne demokratiialyq memleket dep jariialai tūryp, negızgı qūndylyqtardy aiaq asty etudemız. Būl jaǧdaida Sızdıŋ adam jäne azamat qūqyqtarynyŋ kepılı ekendıgıŋız bızge kümän keltıredı. Eger Sız bızdıŋ jazǧan aryz-şaǧymdarymyzdy qaramasaŋyz, qabyldauǧa kırgızbeseŋız, bız alaŋǧa şyqpaǧanda qaida şyǧamyz? Sebebı bız bügınde zaŋmen közdelgen mehanizımnıŋ barlyǧyn tolyq qoldanyp şyqtyq. Eşbır nätije joq. Bır qyzyǧy, bızdıŋ talaptarymyzdyŋ zaŋdy ärı negızdı ekendıgın äkımder de, prokuror da, polisiia da barlyǧy rastaidy. Alaida söite tūra eşkımnıŋ osy problemalardy şeşuge qūlqy joq. Qaida barsaq ta syldyr su men syrǧaq äŋgımeestitınımız. Sonda bız ne üşın 1986 jyldyŋ yzǧarly jeltoqsanynda alaŋǧa şyǧyp, soqqyǧa jyǧylyp, sottalyp, quǧynǧa ūşyradyq. Bızdıŋ aŋsaǧanymyz bügıngıdei qūrsauly täumendılık pe edı?
Ejelgı Gresiianyŋ jetı danyşpanynyŋ bırı Solon «Öz elınıŋ zaŋdaryn saqtamaǧan bilık, tübınde özın-özı qūlatyp bıtedı» degen eken. Bız tura soǧan kele jatyrmyz. Sebebı bızdıŋ memlekette zaŋ talaptaryn oryndaǧannan görı bastyqtyŋ sözı zaŋdy bolyp tabylady. Būl degen bassyzdyqtyŋ, iaǧni,zaŋsyzdyqtyŋ eŋ aiqyn ärı eŋ jiırkenıştı türı.
Prezident myrza joǧaryda atalǧandardyŋ negızınde menıŋ qoiar talabym:
- Aqmola oblysy, Arşaly audany, Jıbek Joly auyldyq okrugınıŋ infraqūrylymyna ketken milliardtaǧan biudjettık qarjynyŋ paidalanu mäselesın tübegeilı türde tekseru üşın arnaiy memlekettık komissiia qūrudy.
- Memlekettık komissiiaǧa Qoǧamdyq keŋestıŋ müşelerın qosudy.
- Arnaiy memlekettık komissiia jūmysy barysynda,barlyq deŋgeidegı (oblys - E.B. Marjyqpaev, audan - A.İ.Baimanov, auyl - Q.B.Kanafin) äkımderdı lauazymdyq qyzmetterınen şekteudı.
- Memlekettık komissiia şyǧarǧan qorytyndylarnegızınde, qūqyq būzuşylyq jasaǧan şendılerdızaŋǧa säikes tiıstı jauapkerşılıkke tartudy.
“Adyrna” ūlttyq portyly
