Prezıdenttikke úmitkerler arasynda ótken teledebat barysynda «Qazaq analary – dástúrge jol» respýblıkalyq qoǵamdyq birlestigi atynan usynylǵan kandıdat Saltanat Tursynbekov men «Amanat» Qazaqstannyń kásipodaqtar yntymaqtastyǵy» respýblıkalyq kásipodaqtar birlestigi atynan usynylǵan Meıram Qajyken ózara pikir jarystyrdy. Oı-alamanynda tartysqan kandıdarttar bir-birine ótkin suraq qoıyp, óz ustanymdaryn anyq tanytty.
Saltanat Tursynbekova «Amanat» Qazaqstannyń kásipodaqtar yntymaqtastyǵy» respýblıkalyq kásipodaqtar birlestigi atynan usynylǵan Meıram Qajykennen «Siz kimsiz, mıster Qajyken? Sizdiń artyńyzda kim tur?» dep surady. Ol Qajykenniń buryn-sońdy qoǵamda kózge kóp túspegenin alǵa tartty. Meıram Qajyken bul saýaldyń jaýabyn kásibı qyzmetimen ushtastyryp, saılaýǵa túsýin 1,1 mıllıon adam maquldaǵanyn aıtty.
- Meni meniń áriptesterim, onyń ishinde ǵylymı konferenııalar, jarııalanymdar arqyly sheteldik áriptesterim tanıdy. Men kásibı ortada tanymalmyn. Al meniń artymda kim turǵanyna kelsek, meniń artymda kásipodaqtar tur. Meni kásipodaq usyndy. Meniń prezıdent saılaýyna túsýimdi 1,1 mıllıon adam usyndy. Men olardyń úmitin aqtaýym qajet», - dedi Meıram Qajyken.
Aıta keteıik, kúni keshe Qazaqstan prezıdenttigine kandıdattar men olardyń ókilderi arasynda televızııalyq debat ótip, úmitkerler óz baǵdarlamalaryn halyqpen birge talqylady.
"Adyrna" ulttyq portaly
