Maŋǧystau oblysynda azamattyq belsendı Mūratbai Jūmaǧalievtıŋ qaltasynan esırtkı tabylyp, ūstalǧany turaly aqparat tarady, dep habarlaidy "Adyrna" ūlttyq portaly "Azattyq radiosyna" sıltep.
Basylym mälımetınşe, äleumettık jelılerde taraǧan beinejazbalarda belsendını arnaiy maqsattaǧy jasaq qyzmetkerlerı qorşap tūrǧany körınedı. Kadrlarda Jūmaǧaliev özıne qatysty arandatu jasalyp jatqanyn aityp, narazylyq bıldırgen. Belsendınıŋ ūstaluyna deiın äleumettık jelılerde oǧan qatysty dauly videomaterialdar taraǧan. Mamyr aiynyŋ ortasynda Telegram-arnalar men pablikterde mügedekter arbasyndaǧy azamatqa küş körsetılgen beine jariialanyp, keibır qoldanuşylar kadrdaǧy adamnyŋ Mūratbai Jūmaǧaliev boluy mümkın ekenın jazǧan.
19 mamyrda belsendı videoündeu jasap, jariialanǧan materialdyŋ şynaiylyǧyna kümän keltırdı. Onyŋ aituynşa, beinejazba jasandy intellekt kömegımen öŋdelgen nemese eskı materialdardyŋ negızınde qūrastyrylǧan boluy mümkın.
BAQ mälımetınşe, Mūratbai Jūmaǧaliev pen videodaǧy ekınşı adam retınde atalǧan Erık Jūmabaev qūqyq qorǧau organdaryna jalǧan aqparat taratu jäne tūrǧyn üige zaŋsyz beinebaqylau ornatu derekterı boiynşa aryz tüsırgen. Alaida basylymnyŋ jazuynşa, atalǧan ötınışter boiynşa naqty şeşım qabyldanbaǧan.
Mūratbai Jūmaǧaliev – Jaŋaözen qalasyndaǧy tanymal azamattyq belsendılerdıŋ bırı. Ol 2011 jylǧy mūnaişylar ereuılıne qatysqan. Keiın jappai tärtıpsızdıkter ısı boiynşa aiyptalyp, şartty jaza alǧan. Är jyldary belsendı rūqsat etılmegen mitingılerge qatysqany üşın äkımşılık jauapkerşılıkke tartylǧan. Sonymen qatar ol 2011 jylǧy Jaŋaözen oqiǧalaryn qaita tergeudı talap etıp, qoǧamdyq-saiasi mäseleler boiynşa pıkır bıldırıp kelgen.
Qazır Mūratbai Jūmaǧalievtıŋ qandai ıs boiynşa ūstalǧany jäne onyŋ prosessualdyq märtebesı turaly resmi aqparat jariialanǧan joq. Qūqyq qorǧau organdary äzırge būl jaǧdaiǧa qatysty tüsınıkteme bergen joq.
