Belgili aıtysker aqyn Rústem Qaıyrtaıuly «kúlkini taǵylymnan joǵary qoıdy» dep ázilkesh Tursynbek Qabatovty synǵa aldy.
“Qazaqstan” ulttyq arnasyn “Qabatovstan” arnasy dep ataı beremiz-aý. Bir emes, birneshe baǵdarlamasyn eń yńǵaıly ýaqytta kóldeı ǵyp efırden kórsetedi. Kórsetsin, maqul, aman bolsyn. Biraq, nege aıtysty bóri tartqan toqtydaı qylyp julmalaıdy eken, á. Ázil oıdan joǵary, kúlki taǵylymnan joǵary boldy degen osy mine. Bir aıtysymyz shyǵyp edi 40 mınýttyq aıtysty 17 mınýttyq qylyp arasyn ákáký-sákákýmen toltyrǵan da tastaǵan. Óz sózimizdi ózimiz tanymaı otyrmyz, basqalarǵa ókpe bar ma…
…Ishińnen moıyndaǵyń kelmese de,
Aǵaıyn aqıqat dep osyny bil.
Tursynbek Kákishovtiń emes qazir,
Tursynbek Qabatovtyń ǵasyry bul”, – dep jazady aıtysker jelidegi paraqshasynda.
____________________________________________________________________________________________________________ sn.kz
