Qaraǧandy oblysynda jük kölıgı men jeŋıl kölık soqtyǧysyp, bes adam qaza tapty, - dep habarlaidy “Adyrna” ūlttyq portaly Tengrinews.kz saityna sıltep.
Oqiǧa 3 mamyrda taŋerteŋ Şet audany, Aqsu auyly maŋyndaǧy tasjolda bolǧan. Renault Magnum jük kölıgı Toyota Camry kölıgımen soqtyǧysqan. Soqtyǧys saldarynan Toyota Camry jürgızuşısı men onyŋ tört jolauşysy qaza tapty. Auyr jük kölıgınıŋ jürgızuşısı medisinalyq mekemege jatqyzyldy.
Polisiia oqiǧa ornynan tüsırılgen videony körsettı. Kadrda jük kölıgı audarylyp, qauıpsızdık jastyqtary jarylǧan jeŋıl kölıktı köruge bolady.
"Atalǧan fakt boiynşa qylmystyq ıs qozǧaldy, barlyq qajettı tergeu äreketterı jürgızılıp jatyr. Qylmystyq ıstı qarau barysynda oqiǧanyŋ män-jaiy men kınälı anyqtalady. Qaraǧandy oblysynyŋ Polisiia departamentı jürgızuşılerden joldarda mūqiiat boludy, jyldamdyq rejimınen aspaudy, jol qozǧalysy erejelerın mültıksız saqtaudy sūraidy", - dedı Qaraǧandy oblysy PD bastyǧynyŋ bırınşı orynbasary Qūrmanǧali İsmaǧūlov jürgızuşılerdı.
Ūqsas jaŋalyqtar
