Tılşıler Abaevtan Qazaqstannyŋ AES saludaǧy "Rosatommen" bailanysy turaly sūrady. Abaev oǧan:
«Memleket basşysy özınıŋ sailaualdy tūǧyrnamasynda da kez kelgen strategiialyq maŋyzdy mäseleler jäne özge de dünieler referendumda şeşıletının, iaǧni halyqtyŋ pıkırımen sanasu kerektıgın nyq aitty. Būl onyŋ berık ūstanymy jäne menıŋ oiymşa, qazaqstandyqtar mūny oŋ baǧalaidy. Bız mūny referendumǧa şyǧaryp otyrmyz. Qazaqstanda atom energiiasyna qatysty belgılı bır fobiialar bar. Semei iadrolyq poligony ūzaq uaqyt boiy Qazaqstan aumaǧynda ornalasyp, respublika tarihynda da, qazırgı qalpyna deiın de ülken ız qaldyrdy. Būl jarylystardyŋ saldary älı de sezılude. Sondyqtan būl Qazaqstandaǧy bız üşın özektı mäsele. Eger Qazaqstan halqy būl üderısterdı qoldasa, referendumnan keiın bırden naqtysy aitylady. "Rosatom", ärine, osy saladaǧy köşbasşylardyŋ bırı, sondyqtan mūndai şeşım qabyldansa, Rosatom ärqaşan qysqa tızımde bolady” dep jauap berdı ol.
Sondai-aq, şeteldık BAQ-tyŋ jurnalisı elşıden referendumnyŋ ötetın merzımı belgılı me dep sūraǧan bolatyn. «Joq. Osy jyldyŋ soŋynda ötuı mümkın», - dep jauap berdı Abaev. Byltyr qyrküiekte prezident Qasym-Jomart Toqaev el aumaǧynda atom elektr stansiiasy salynyp-salynbaitynyn halyq referendum arqyly şeşetının mälımdedı.
