Memleket basshysy Qasym-Jomart Toqaev 8-9 mamyr kúnderi Reseıge barýdy josparlap otyr, dep habarlaıdy “Adyrna” ulttyq portaly. Bul týraly Reseıdegi Qazaqstan elshisi Dáýren Abaev málimdedi
«Bizdiń prezıdentter arasyndaǵy kezdesý aıtarlyqtaı jıi ótedi. Qazan aıynda Reseı prezıdenti Vladımır Pýtınniń Qazaqstanǵa saparynan keıin prezıdentter eki ret kezdesti – Sankt-Peterbordaǵy EAEO jáne TMD sammıtterinde jáne aqpan aıynda Qazan qalasynda Bolashaqtyń oıynynda. 8–9 mamyrda bizdiń prezıdent Máskeýge barady dep josparlanýda», – dedi elshi Abaev TASS-qa bergen suhbatynda.
Abaev Astana men Kıevtiń qorǵanys salasyndaǵy baılanysyna qatysty da pikir bildirgen.
«Oǵan alyp-qashpa áńgime, feık, rastalmaǵan aqparat retinde qaraý kerek», - dedi Abaev.
Ol Qazaqstan men Reseıdiń odaqtas elder ekenin atap ótti.
«Maǵan Reseıdegi Qazaqstan Respýblıkasynyń elshisi retinde Qazaqstanda rýsofobııa bar degen syqyldy keıbir jalǵan aqparattar yńǵaısyzdyq týdyrady. Bul mıf. Ol aqyryndap keıbir jasyryn Telegram-kanaldarda taralyp jatyr. Bul baryp turǵan ótirik. Qazaqstanda eshqandaı da rýsofobııa joq. Qazaqstanda shamamen 3 mln etnıkalyq orystar turady – bizdiń orystar, bizdiń azamattar. Ózińiz oılańyzshy, qandaı da bir rýsofobııa bolsa. Ondaı joq, bolýy da múmkin emes. Nege? Sebebi bizdiń tarıhymyz ortaq, mentalıtetimiz uqsas, tipti keıbir mádenı kodymyz da uqsas», – dedi Abaev.
