Bir baı qonaq qondyrýǵa óte tar adam eken. Eliniń salty boıynsha qyzy aıtqan óleńge jaýap taýyp aıta almasa, bettep kelgen qonaq aýyl ıesiniń qondyrmaǵanyna kiná qoıa almaı, kete berýge tıisti eken. Sol qyzdyń óleńine ilik taýyp aıta almaı, talaı qonaq qona almaı ketipti. Sondaǵy qyzdyń óleńi:
"Óner tapsa jigittiń baǵy boldy,
Keshe kelip qonaqtar taǵy boldy.
Aı topyrdy kún saıyn salmas bolar,
Qonaqtyń bizden keter shaǵy boldy", - dep, úıde otyryp aıtqan qyzdyń óleńin estigende, "Oý, úıde kim bar? Qonaqpyz", - desip shirenip turǵandar til qatpaı kete beredi eken.
Osylaı baı neshe jyl boıy qonaqtan ada bolypty. Osy qyzdyń "aqyndyǵy" elge tarapty. Óleńniń qarymyn taýyp aıtýǵa shamam bolar degen jigit, neshe joldastarymen qyzdyń aýylyna kelip: "Qonaqpyz!" deýi sol eken, qyz daǵdyly óleńdi syrtqa shyqpaı, úıde otyryp-aq ándete aıtyp salady:
Sonda jigit:
"Aýlyńnyń qonǵan jeri beleste eken,
Ákeńniń izdegeni keńes pe eken.
Bul úıde biz de qonaq, qyz da qonaq,
Eki qonaq bir jatsyn demes pe eken", - depti jigit. Qyz da, ákesi de úıden júgirip shyǵyp, kelgenderdiń atyn baılap, úıge túsirip, qonaq etip alypty.
massaget.kz
