سوزگە جاۋاپ تاپقان جىگىت

3329
Adyrna.kz Telegram

ءبىر باي قوناق قوندىرۋعا وتە تار ادام ەكەن. ەلىنىڭ سالتى بويىنشا قىزى ايتقان ولەڭگە جاۋاپ تاۋىپ ايتا الماسا، بەتتەپ كەلگەن قوناق اۋىل يەسىنىڭ قوندىرماعانىنا كىنا قويا الماي، كەتە بەرۋگە ءتيىستى ەكەن. سول قىزدىڭ ولەڭىنە ىلىك تاۋىپ ايتا الماي، تالاي قوناق قونا الماي كەتىپتى. سونداعى قىزدىڭ ولەڭى:

"ونەر تاپسا جىگىتتىڭ باعى بولدى،

كەشە كەلىپ قوناقتار تاعى بولدى.

اي توپىردى كۇن سايىن سالماس بولار،

قوناقتىڭ بىزدەن كەتەر شاعى بولدى", - دەپ، ۇيدە وتىرىپ ايتقان قىزدىڭ ولەڭىن ەستىگەندە، "وۋ، ۇيدە كىم بار؟ قوناقپىز", - دەسىپ شىرەنىپ تۇرعاندار ءتىل قاتپاي كەتە بەرەدى ەكەن.

وسىلاي باي نەشە جىل بويى قوناقتان ادا بولىپتى. وسى قىزدىڭ "اقىندىعى" ەلگە تاراپتى. ولەڭنىڭ قارىمىن تاۋىپ ايتۋعا شامام بولار دەگەن جىگىت، نەشە جولداستارىمەن قىزدىڭ اۋىلىنا كەلىپ: "قوناقپىز!" دەۋى سول ەكەن، قىز داعدىلى ولەڭدى سىرتقا شىقپاي، ۇيدە وتىرىپ-اق اندەتە ايتىپ سالادى:

سوندا جىگىت:

"اۋلىڭنىڭ قونعان جەرى بەلەستە ەكەن،

اكەڭنىڭ ىزدەگەنى كەڭەس پە ەكەن.

بۇل ۇيدە ءبىز دە قوناق، قىز دا قوناق،

ەكى قوناق ءبىر جاتسىن دەمەس پە ەكەن", - دەپتى جىگىت.  قىز دا، اكەسى دە ۇيدەن جۇگىرىپ شىعىپ، كەلگەندەردىڭ اتىن بايلاپ، ۇيگە ءتۇسىرىپ، قوناق ەتىپ الىپتى.


massaget.kz

پىكىرلەر