Petropavlda tarih pänı mūǧalımderınıŋ sezı öttı. Sezge 300-den astam tarih pänınıŋ mūǧalımı, tarihşy, ädısker, ǧylymi-zertteu instituttary men bırqatar joǧary oqu ornynyŋ basşylary qatysty. Būl turaly Bılım jäne Ǧylym ministrlıgı Ashat Aimaǧambetov Facebook paraqşasyna jariialady, dep habarlaidy “Adyrna” ūlttyq portaly.
Sezge qatysuşylar ülgılık oqu baǧdarlamalary men oqulyqtardyŋ mazmūnyn jetıldıru, sonymen bırge oquşylardyŋ oqu jetıstıkterın baǧalau, joǧary oqu oryndarynda tarih pänı mūǧalımderın daiarlau jäne mūǧalımderdıŋ bılıktılıgın arttyru mäselelerın jan-jaqty jäne aşyq talqylady.
Tarihşylar mynadai ūsynystardy köterdı:
- 5-synypta Qazaqstan tarihynan būryn mektep baǧdarlamasynda bolǧan jäne osy jastaǧy oquşylardyŋ tüsınıgıne qoljetımdı taqyryptardy qaitaru;
- «Qazaqstan tarihy» jäne «Düniejüzı tarihy» pänderınıŋ oqu baǧdarlamasy mazmūnyn jaŋartu. Qazır Qazaqstan tarihynyŋ negızgı kursy 9-synypta aiaqtalsa, 10-11-synypta negızınen problemalyq sūraqtar oqytylady. Osyǧan bailanysty mūǧalımder men ǧalymdar 6-synyptan bastap 11-synypqa deiın ejelgı däuırden qazırgı zamanǧa deiıngı tarihty tolyqqandy zertteudı ūsyndy;
- Materialdy synyp boiynşa böludı özgertu. Mysaly, 6-synypty alyp qaraiyq. 2016 jyldan berı bır ǧana 6-synyptyŋ baǧdarlamasy 12 ǧasyrǧa juyq uaqytty qamtydy.
“Aita keteiın, VI ǧasyrdan XVIII ǧasyrdyŋ basyna deiın öte maŋyzdy tarihi kezeŋder boldy. Ūly dala tarihynyŋ būl maŋyzdy kezeŋı türkı memleketterınıŋ, Altyn Orda memleketınıŋ jäne Qazaq handyǧynyŋ däuırın qamtidy”,- dep jazdy Ministr.
Osy taqyryptardy bır synyp emes, materialdy tolyqqandy meŋgerudı qamtamasyz etu üşın oqu baǧdarlamasyn ekı synyp boiynşa bölu ūsynylyp otyr.
“Men būl ūsynystyŋ barlyǧyn oryndy dep sanaimyn. Olar baǧdarlamalardy jaŋartu jönındegı sarapşylar tobynda qosymşa qaralady”, delıngen ministrdıŋ jazbasynda.Naqty qabyldanǧan şeşımder:
- Qazaqstan tarihy men Düniejüzı tarihy oqulyqtary endı elımızdıŋ barlyq mektebı üşın bıryŋǧai jäne bazalyq bolady.
- Joǧary oqu oryndarynda qazırgı «Qazaqstannyŋ qazırgı zamanǧy tarihynyŋ» ornyna «Qazaqstan tarihy» pänı oqytylady, iaǧni baǧdarlama tarihtyŋ basqa da kezeŋderın, dälırek aitqanda, ejelgı, orta ǧasyrlar jäne jaŋa zamandy qamtidy.
- Endı ǧylymi baǧytta bılım alǧan tarihşylar qaita daiarlau kurstarynan ötıp, keiın mektepte sabaq bere alady.
- Baǧalau boiynşa özgerıster engızıledı. Qorytyndy attestattau būrynǧydai jazbaşa ǧana emes, auyzşa jäne jazbaşa türde ötkızıledı. Jiyntyq baǧalau mūǧalımnıŋ qalauy boiynşa auyzşa nemese jazbaşa türde jürgızıluı mümkın.
- Petropavlda Ä. Marǧūlan atyndaǧy Arheologiia instituty, Ş.Uälihanov atyndaǧy Tarih jäne etnologiia instituty siiaqty ǦZİ filialdary aşylyp jatyr. Būl instituttarda auqymdy arheologiialyq zertteuler ūiymdastyrylady.
”Adyrna” ūlttyq portaly
Ūqsas jaŋalyqtar
