Baýyrjan Momyshulynyń qanatty sózderi

2688

Áskerı qaıratker, dańqty qolbasshy, jazýshy, Keńes Odaǵynyń Batyry, elim dep eńirep, Otan úshin otqan túsken batyr atamyz Baýyrjan Momyshulynyń aýzynan shyqqan árbir sózi kózdegen nysanasyna dál tıgizetin mirdiń oǵyndaı ótkir. Nazarlaryńyzǵa salmaqty sózimen sanaǵa oı salar, tilge sheshen batar atamyzdyń qanatty sózderin  usynamyz. 

 

* Óz ultyn syılamaý, ony maqtanysh etpeý – satqyndyq.

* Ata-ana qadirin bile almaǵan – halyq qadirin bile almas,

Halyq qadirin bilmegen – ata-ana qadirin bile almas.

* Otbasynyń ónegesi – Otan ónegesi.

* Keıbir ul-qyzdarymyzdyń ana tilimizdi bilmeýine ne shala bilýine, eń aldymen ata-analary kináli.

* Kenesarydan onyń kózqarasynyń Marks kózqarasymen sáıkes kelýin talap etýge bolmaıdy.

* Talaptynyń toqpaǵy tasqa shege qaǵady.

* Tilekke – eńbek tirek.

* Terlep eńbek etersiń – tilegińe jetersiń.

* Oıǵa omalyp qyr asa almaısyń.

* Jumysqa jaraǵanǵa – kári dep qaramańdar.

* Oı sheshpeıtin daý joq, kúlki jeńbeıtin jaý joq.

* Barlyq halyq, barlyq ult – barlyq uly jáne tamasha nárselerdi jasaýǵa qabiletti.

* Halyqtyq dástúr – asyl mura.

* Men de adammyn jaralǵan súıek-etten,    Mende ar bar, mende oı bar jan tebirentken. Halqymnyń qarapaıym bir ulymyn, Janymdy arym úshin qurban etken.

* Baqanyń baǵynan – suńqardyń sory artyq.

* Qýys keýde bolǵannan artyq qorqynysh ta, qorlyq ta joq.

* Opasyzdyq – oısyzdyq.

* Eptilik te – erlik.

* Qolbasshy bolsań sondaı bol – josylyp jatqan joldaı bol.

* Úlkendi – izetke, kishini – kúzetke.

* Jerge – ter tógip, halyqqa – qan tógip qyzmet etýden taısalma.


massaget.kz

Pikirler
Redakııa tańdaýy