اسكەري قايراتكەر، داڭقتى قولباسشى، جازۋشى، كەڭەس وداعىنىڭ باتىرى، ەلىم دەپ ەڭىرەپ، وتان ءۇشىن وتقان تۇسكەن باتىر اتامىز باۋىرجان مومىشۇلىنىڭ اۋزىنان شىققان ءاربىر ءسوزى كوزدەگەن نىساناسىنا ءدال تيگىزەتىن ءمىردىڭ وعىنداي وتكىر. نازارلارىڭىزعا سالماقتى سوزىمەن ساناعا وي سالار، تىلگە شەشەن باتار اتامىزدىڭ قاناتتى سوزدەرىن ۇسىنامىز.
* وز ۇلتىن سىيلاماۋ، ونى ماقتانىش ەتپەۋ – ساتقىندىق.
* اتا-انا قادىرىن بىلە الماعان – حالىق قادىرىن بىلە الماس،
حالىق قادىرىن بىلمەگەن – اتا-انا قادىرىن بىلە الماس.
* وتباسىنىڭ ونەگەسى – وتان ونەگەسى.
* كەيبىر ۇل-قىزدارىمىزدىڭ انا ءتىلىمىزدى بىلمەۋىنە نە شالا بىلۋىنە، ەڭ الدىمەن اتا-انالارى كىنالى.
* كەنەسارىدان ونىڭ كوزقاراسىنىڭ ماركس كوزقاراسىمەن سايكەس كەلۋىن تالاپ ەتۋگە بولمايدى.
* تالاپتىنىڭ توقپاعى تاسقا شەگە قاعادى.
* تىلەككە – ەڭبەك تىرەك.
* تەرلەپ ەڭبەك ەتەرسىڭ – تىلەگىڭە جەتەرسىڭ.
* ويعا ومالىپ قىر اسا المايسىڭ.
* جۇمىسقا جاراعانعا – كارى دەپ قاراماڭدار.
* وي شەشپەيتىن داۋ جوق، كۇلكى جەڭبەيتىن جاۋ جوق.
* بارلىق حالىق، بارلىق ۇلت – بارلىق ۇلى جانە تاماشا نارسەلەردى جاساۋعا قابىلەتتى.
* حالىقتىق ءداستۇر – اسىل مۇرا.
* مەن دە اداممىن جارالعان سۇيەك-ەتتەن، مەندە ار بار، مەندە وي بار جان تەبىرەنتكەن. حالقىمنىڭ قاراپايىم ءبىر ۇلىمىن، جانىمدى ارىم ءۇشىن قۇربان ەتكەن.
* باقانىڭ باعىنان – سۇڭقاردىڭ سورى ارتىق.
* قۋىس كەۋدە بولعاننان ارتىق قورقىنىش تا، قورلىق تا جوق.
* وپاسىزدىق – ويسىزدىق.
* ەپتىلىك تە – ەرلىك.
* قولباسشى بولساڭ سونداي بول – جوسىلىپ جاتقان جولداي بول.
* ۇلكەندى – ىزەتكە، كىشىنى – كۇزەتكە.
* جەرگە – تەر توگىپ، حالىققا – قان توگىپ قىزمەت ەتۋدەن تايسالما.
massaget.kz
