Prezident Joldauynda “Aq jol” partiiasy baǧdarlamasynyŋ basym bölıgı ömırge joldama aldy.
Aitsa, aitty deisızder…
Bız 2020 jyly 16 qazanda “Qazaq ünı” gazetı men ūlttyq portalyndaǧy “SEMEIGE ABAIDYŊ ATYN BERU KEREK nemese oblysty qaita aşu qajet” atty maqalamyzda: “Alaş ūstaz tūtqan Abaidyŋ 175 jyldyǧynda Semeidei öz qalasyna nemese oblysqa ūly aqynnyŋ atyn bersek. Nemese “Aq jol” basşysy Azat Peruaşev parlamentte köterıp kele jatqandai, respublikalyq status berıp nemese oblysty qaita aşsaq, eşkımnıŋ dauy joq şyǧar deimız.”-dep jazǧan ekenbız.
Al Azat Peruaşev atalmyş deputattyq saualyn 2019 jyly 18 jeltoqsanda jasady.
Osy 2020 jylǧy 16 qazannan keiın tura 2022 jyly 16 nauryzda, iaǧni 1 jyl 5 ai ötkende, tura “Aq jol” partiiasynyŋ qūrylǧanyna 20 jyl tolǧan künı Prezident Joldauynda būrynǧy oblys ta qaita aşyldy, qala tügılı, maqalamyzda aitqandai oblysqa Abaidyŋ aty da berıldı.
Aqjoldyqtar aitsa, aqyn aitsa, aǧat aitpaidy!
Bügın Feisbuk paraqşamdy qarasam, oblystyŋ qaita aşyluy men Semei qalasyna nemese oblysqa Abai atyn berudı jūrttyŋ 95 paiyzy qoldaǧan eken!..
Bır qyzyǧy, Semeige Abai atyn beruge özı şyǧystyŋ tumasy, belgılı jazuşy men Semeide tūratyn tanymal jurnalist jatyp tūryp qarsy bolǧan eken.
Al aqyn Aituar Ötegenov:
“Ūsynys öte dūrys jəne uaqytynda aitylǧan. Būl ūsynysty menıŋşe Qasym-Jomart Kemelūly qoldaidy dep oilaimyn. Ol kısınıŋ negızgı oiy da osy boluy kerek. Alystan oilaityn adam. Jüzege asyru üşın qoldaiyq”-dep tura jazypty.
Aituar aǧam da, aitsa, aǧat aitpaidy!
Alla jar bolsyn! Ūly Abaidyŋ aruaǧy qoldai bersın!
Abai oblysyna Aq jol!
Sonymen bırge elımızde Ūlytau jäne Jetısu oblystary aşyldy!
Endı Alaş kösemderı Ahmet Baitūrsynūly men Mırjaqyp Dulatūlylar ömırge kelgen Torǧai oblysy da qaita aşylatyn kün bolar…
Aitqanymyz kelıp jatyr ǧoi, qūdaiǧa şükır, aita bereiık. Perıştenıŋ qūlaǧyna şalynsa, Alla tılegımızdı qabyl alar!..
Sonymen qatar Jaŋa däuırge bastaǧan Prezident Joldauynda “Aq jol” partiiasynyŋ 2020 jylǧy sailaualdy baǧdarlamasyndaǧy saiasi jaŋǧyru jolyndaǧy baǧyttardyŋ basym bölıgı ömırge joldama aldy.
Atap aitqanda:
1.Super prezidenttık respublikadan parlamenttık respublikaǧa bırtındep auysudy bastau;
2.Parlament Mäjılısı bilıgın küşeitu;
3.Senatty taratu (Senat bilıgı älsıredı-endı zaŋdy tek Mäjılıs qabyldaidy);
4.Prezidenttıŋ eşqandai partiiada bolmauy;
5.Äkımderdıŋ partiia filialyn basqaruǧa zaŋmen tyiym salu;
6.Äkımderdıŋ eşqandai partiia müşesı bolmauy;
7.Biudjettıŋ oryndaluy turaly parlamentke esep beru;
7.Mäslihat töraǧasy qyzmetın belgıleu;
8.Mäslihattyŋ rölın küşeitu;
9.Sailau jüiesın jetıldıru;
10.Baqylauşylar qūqyn arttyru;
11.”Atameken” ūlttyq palatasy qūzyretterın şekteu jäne tb ūsynystar.
Būl ūsynystar 2020 jyly “Qazaq ünı” gazetı men ūlttyq portalynda jariialanǧan “TÜBEGEILI ÖZGERISTER QAJET” atty “Aq joldyŋ” saiasi baǧdarlamasynda tūr. Nemese biyl, 2022 jyly 2 aqpanda ötken Ūlttyq keŋeste söilegen sözımız jariialanǧan “ÜKIMETTI SAILAUDA JEŊISKE JETKEN PARTİIа JASAQTAUY KEREK”-atty 9 aqpandaǧy maqaladan oquǧa bolady.
“Aq jol” partiiasynyŋ elımızdıŋ saiasi jüiesın demokratiialandyru baǧytynda jasaǧan ömırşeŋ ūsynystary men Semei oblysyn aşu turaly kötergen mäselesın qoldap, qalyŋ qazaqtyŋ, el tılegın oryndaǧan QR Prezidentı Qasym-Jomart Toqaevqa alǧysymyz şeksız.
“Aq jol” aitsa, aǧat aitpaidy!
Jaŋa däuırge Aq jol!
Qazybek İSA
Ūqsas jaŋalyqtar
