“Semeı ormany” fılıaldarynyń birinde "aǵash urlady" degen kúdikke ilingender ustaldy, dep habarlaıdy "Adyrna" ulttyq portaly Polisia.kz-ke siltep.
9 shilde kúni Abaı oblysynyń aýmaǵynda IIM jáne UQK jedel ýákilderi prokýratýranyń úılestirýimen “Semeı ormany” memlekettik orman tabıǵı rezervaty fılıaldarynyń birinen aǵash urlaǵan qylmystyq top ustaldy. Qylmyskerlerdiń fılıal dırektorynyń basshylyǵymen áreket etkeni anyqtaldy.
“Ormandy jymqyrdy degen kúdikpen polıııaǵa 20-dan astam adam jetkizildi. Tintý júrgizilip, urlanǵan aǵashtardyń ondaǵan tekshe metri, aǵash óńdeý stanoktary, aqsha jáne qujattar tárkilendi. Fılıal dırektory men qylmysqa qatysýshylar ýaqytsha ustaý ızolıatoryna qamaldy", – dedi IIM uıymdasqan qylmysqa qarsy kúres departamentiniń ókili.
Kúdiktilerdiń laýazymdyq ókilettikti asyra paıdalaný, para alý, múlikti jymqyrý faktilerine qatysy bar-joǵy tekserilmek.
