Abai oblysynda taǧy ört şyqty. 2 şılde künı Kökpektı audany, Ülgılı-Malşy auylynan 50 şaqyrym jerde qamys janyp jatqany jönınde habarlandy. Örttıŋ boljamdy aumaǧy - 200 gektar. Būl jönınde Abai oblysy TJD baspasöz qyzmetı mälemdedı, dep habarlaidy "Adyrna" ūlttyq portaly.
Oqiǧa ornyna qarauylşy mamandar attanǧan.
"Qazırgı uaqytta örttıŋ boljamdy alaŋy 200 gektar. Eldı mekenderge qauıp joq. Qaza tapqandar men zardap şekkender joq", - dedı Abai oblysy TJD baspasöz qyzmetıÜlgılı-Malşy auyldyq okrugı äkımdıgınıŋ aqparatyna sensek, memlekettık örtke qarsy qyzmet organdarynyŋ küşterı men qūraldarynyŋ tartyluy qajet emes. Eske sala keteiık, Abai oblysyndaǧy "Semei ormany" memlekettık orman tabiǧi rezervatynyŋ aumaǧynda 2023 jylǧy 8 mausymda ırı ört boldy. Soŋǧy mälımetter boiynşa, 60 myŋ gektar orman örtenıp ketken. 14 adam qaitys boldy. Örttı bır aptadan keiın – 14 mausymda auyzdyqtaldy. QR Bas prokuraturasy Abai oblysyndaǧy orman örtı faktılerın tergep jatyr. Tergeu barysynda "Semei-Ormany" rezervaty men Jaŋa Şülbı filialynyŋ basşylyǧy küdıktı retınde tanyldy.
"Adyrna" ūlttyq portaly
Ūqsas jaŋalyqtar
