Qazaq eli qalyptastyrǵan ulttyq birliktiń ónegeli úlgisi jyl jyljyp, ýaqyt syny nysanalasa da qunyn quldyratqan joq.
Babanyń amanatyndaı arqalaǵan birliktiń túp-tamyry táýelsizdik tusynda Assambleıa bolyp búr atyp, qoǵamdyq kelisim bolyp gúldedi. Azat bolǵan shırek ǵasyrda Qazaqstan taǵdyrly, talaıly sheshimder shyǵaryp irgeni ilkimdi istermen bekitti.
Birlikti bekemdep, táýelsizdikti nyǵaıtýǵa baǵyttalǵan oń qadamdardyń uly bastamasy 1995 jyly negizi qalanǵan - Qazaqstan halqy Assambleıasy. Ótkenge tarıhı sheginis jasasaqqazaqtyń darhan dalasy saıası qysym kórip jer aýǵan san halyqty baýyryna basyp, jergilikti aımaqqa beıimdelýi úshin baryn saldy. Osy ónege egemen bolǵan kezeńde kemeldene túskeni álemge aıan.
Assambleıanyń arqalaǵan júgi men mejelegen mıssııasy týraly Elbasy Nursultan Ábishuly Nazarbaev ordaly organnyń I sessııasynda bylaısha tolǵady:
«...Assambleıa qazir Qazaqstanda turatyn barlyq halyqtarǵa bizdiń birligimizdiń túp-tamyryn jaqsyraq túsinýine kómektesip, kez kelgen tarıhı kiná artýlarǵa jol bermeýge tıis. Óıtkeni ótkenge kóz sala otyryp bolashaqty kóre bilgen jón».
Tuńǵysh Prezıdenttiń naq osy sózderiAssambleıa men qoǵamdyq kelisim mekemeleriniń negizgi fýnkııasyn ańǵartty. Etnosaralyq yntymaqtastyqtyń alaýy sónbeýine ıek artqan Elbasy jyl saıynǵy Joldaýlarynda da birliktiń turaqty formýlasyn usynyp keledi.
«Tatýlyq + túsinistik = tuǵyrly Táýelsizdik» órnegin quraıtyn jalpyulttyq yntymaqtastyqtyń rólin Elbasy Úndeý, arnaıy maqalalary arqyly da úzdiksiz shegendep keledi.
Beıbitshiliktiń qazaqstandyq modeli qalyptasýyndaǵy syndarly saıasat ınklıýzıvti beınege balanyp, tirshiliktiń san salasyn qamtyp qaryshtaýynyń arǵy jaǵynda Nursultan Nazarbaevtyń saıası kóregendigi men qyranǵa tán erik-jigeri kórinis tabady.
Qazaqstandy150-den asa ulys ókilderi ortaq Otan etken. Aıtýǵa ońaı bolǵanmen 150 –den asa etnos – 150 tarıh, 150 mádenıet, 150 til ekeni aıdan anyq. Osynsha erekshelikterge qaramaı barlyq etnostyń bir tý astynda birigip, aqqaý shortan hám shaıan haline túspeýi qazaqstandyq saıasattyń ultaralyq kelisimge qol jetkizgendiginiń jarqyn nyshany.
Kelisim kezeńinde qabyldanǵan Konstıtýııa da qazaqstandyqtardyń túrli erekshelikterine qaramaı, saıası, áleýmettik, ekonomıkalyq, azamattyq statatýstary men quqyǵynyń teń ekenin ylǵı alǵa tartyp keledi.
Memleketti quraýshy basym halyqpen bir deńgeıde barlyq etnos ókilderi ortaq tarıhı Otannyń damýy jolynda kúsh biriktirip, qyzmet etý baǵytynda ekenine kóz kýá.
Injý ÓMIRZAQ,
”Adyrna” ulttyq portaly
