Fýtzaldan Qazaqstan quramasy 2024 jylǵy Álem chempıonatynyń irikteý kezeńiniń úshinshi týrynda Ázirbaıjan quramasyn 4:2 esebimen jeńdi, dep habarlaıdy "Adyrna" tilshisi Ulysmedia.kz-ke siltep.
Ulttyq quramanyń fýtbolshylary Rýmynııa quramasynyń oıynshylaryn jeńgeninen keıin favorıt bolyp sanaldy.
Alaıda, match barysynda esepshi ázirbaıjandyq qurama ashty.
Oıynnyń ekinshi jartysynda qazaqstandyq sportshy Birjan Orazov oıyn esebin teńestirdi. Sodan keıin Qazaqstan oıynshysy Dýglas Djýnıor dopty qarsylastyń qaqpasyna qaıta soqty. Qarsylas komandanyń alańdaǵy qateligin paıdalanyp, Dáýren Tursaǵulov pen Leodan bos qaqpaǵa eki gol soqty. Oıyn sońynda Ázirbaıjandyq qurama bir goldy bizdiń qaqpaǵa teýip úlgerdi. Nátıjesinde oıyn qorytyndysy 4:2, qazaqstandyqtardyń paıdasyna tıdi.
Endi úsh týrdan keıin Qazaqstan aldaǵy fýtzaldan Álem chempıonatyna irikteýdiń elıtalyq raýndynyń "A tobynda" toǵyz upaımen kósh bastap tur.
Bizdiń komanda kelesi matchty 11 qazanda óz elimizde ótkizedi. Ázirbaıjan komandasy taǵy da qarsylas bolmaq.
Esterińizge sala keteıik, buǵan deıin qazaqstandyq komanda fýtzaldan 2024 jylǵy álem chempıonatynda Rýmynııany jeńgen edi.
